Dhanendra Gowda

ಧನೇಂದ್ರ, ಮಂಡ್ಯ ಜಿಲ್ಲೆಯ ಪ್ರಗತಿಪರ ಹೈನೋದ್ಯಮಿ. ಕೃಷಿ ಕುಟುಂಬದಲ್ಲಿ ಹುಟ್ಟಿದ್ದ ಧನೇಂದ್ರ ಓದಿನ ನಂತರ ನೇರ ಕೃಷಿಗೆ ಪದಾರ್ಪಣೆ ಮಾಡಿದ್ರು. ಸಾಂಪ್ರದಾಯಕ ಕೃಷಿ ಮಾಡ್ತಿದ್ದ ಇವರು 2004ರಲ್ಲಿ 25ಸಾವಿರ ಬಂಡವಾಳ ಹಾಕಿ ಒಂದು ಹೆಚ್‌ಎಫ್‌ಹಸುವನ್ನ ತಂದು ಸಾಕಿದ್ರು. ಒಂದು ಹಸುವಿಂದ ಆರಂಭವಾದ ಹೈನುಗಾರಿಕೆ 25 ಹಸುಗಳವರೆಗೆ ಬೆಳೆದು ನಿಂತಿದೆ. ಇಂದು ವರ್ಷಕ್ಕೆ ಹಾಲಿನಿಂದ 18ಲಕ್ಷ ಆದಾಯ ಪಡೆಯುತ್ತಿದ್ದಾರೆ. ಖರ್ಚು ವೆಚ್ಚವೆಲ್ಲ ಗೊಬ್ಬರದಲ್ಲಿ ನಿಭಾಯಿಸಿಕೊಳ್ತಿದ್ದಾರೆ. ಹಸುಗಳ ನಿರ್ವಹಣೆಗೆ ಕೆಲಸದವರನ್ನ ನೇಮಿಸಿಕೊಳ್ಳದೆ ದಂಪತಿಯೇ ನಿರ್ವಹಣೆ ಮಾಡಿಕೊಳ್ತಿದ್ದಾರೆ. ಹೈನುಗಾರಿಕೆ ಜೊತೆ ಕೃಷಿನೂ ಮಾಡ್ತಿರುವ ಇವರು ಅಲ್ಪಾವಧಿ ಬೆಳೆಗಳು, ಮೇವು ಮತ್ತು ತರಕಾರಿಯನ್ನ ಬೆಳೆದುಕೊಳ್ತಿದ್ದಾರೆ.. ಹೈನುಗಾರಿಕೆ ಜತೆಗೆ ಇದೀಗ ಮೇಕೆ ಸಾಕಣೆ ಕೂಡ ಮಾಡ್ತಿದ್ದಾರೆ. ವರ್ಷದ ಹಿಂದೆ ಹತ್ತು ಮೇಕೆಯಿಂದ ಆರಂಭವಾದ ಉದ್ಯಮ ಇಂದು 50 ಮೇಕೆವರೆಗೆ ಬೆಳೆದುನಿಂತಿದೆ. ಪ್ರತೀ ವರ್ಷ ಲಕ್ಷ ಲಕ್ಷ ಆದಾಯ ತರ್ತಿದೆ.