Premila Sarah Thomas

ರಾಮು.ಪಿ, ಶಿವಮೊಗ್ಗ ಜಿಲ್ಲೆಯ ಭದ್ರಾವತಿ ತಾಲ್ಲೂಕಿನ ಹತ್ತಿಕಟ್ಟೆ ಗ್ರಾಮವದರು. ಓದಿದ್ದು, ಎಸ್ಎಸ್ಎಲ್‌ಸಿ ಆದ್ರೂ ಫಿಶ್ ಹ್ಯಾಚರಿಯಲ್ಲಿ ಎಕ್ಸ್ ಪರ್ಟ್. ತುತ್ತಿನ ಚೀಲ ತುಂಬಿಸಿಕೊಳ್ಳಲು ಬೆಂಗಳೂರಿಗೆ ತೆರಳಿದ್ದ ಇವರು ಒಂದೂವರೆ ವರ್ಷಗಳ ಕಾಲ ಹಲವಾರು ಕೆಲ್ಸಗಳನ್ನ ಮಾಡಿ ನಿರಾಶರಾಗಿದ್ದವರು. ಏನಾದ್ರೂ ಮಾಡೋದಿದ್ರೆ ಅದು ಹುಟ್ಟೂರಿನಲ್ಲೇ ಮಾಡಬೇಕು ಅಂತ ಬರಿಗೈಲಿ ಬೆಂಗಳೂರಿನಿಂದ ತಮ್ಮೂರಿಗೆ ಮರಳಿದ ರಾಮುನ ನೋಡಿ ಹಲವರು ಅಪಹಾಸ್ಯ ಮಾಡಿದ್ದು ಇದೆ.. ಆಡಿಕೊಳ್ಳೋರ ಬಾಯಿ ಮುಚ್ಚಿಸೋ ಹಠಕ್ಕೆ ಬಿದ್ದ ರಾಮು ಮೊದಲು ಕೋಳಿ,ಕುರಿ,ಹಸುಗಳನ್ನು ಸಾಕಿದ್ರು. ಆದ್ರೆ, ಅದ್ರಲ್ಲೂ ವಿಫಲರಾದರು. ಕೊನೆಗೆ ಇವ್ರನ್ನ ಕೈ ಹಿಡಿದಿದ್ದು ಇವ್ರೇ ಕೆಲಸಕ್ಕೆ ಹೋಗ್ತಿದ್ದ ಫಿಶ್ ಹ್ಯಾಚರಿ. ಮೀನುಗಳನ್ನ ಸಾಕಿ ಸಾಕಷ್ಟು ಅನುಭವ ಇರೋದ್ರಿಂದ ಇವ್ರೇ ಉದಯ್ ಫಿಶ್ ಫಾರ್ಮ್ ಎಂಡ್ ಹ್ಯಾಚರಿಯನ್ನ ಸ್ಥಾಪಿಸಿದ್ರು. ತಮ್ಮ ಜಮೀನಿನಲ್ಲಿ ನಾಲ್ಕು ಪ್ರತ್ಯೇಕ ಫಿಷ್ ಪಾಂಡ್ ಗಳನ್ನ ನಿರ್ಮಿಸಿ ಬರೋಬ್ಬರಿ 4 ತಳಿಗಳ ಸಾಕಣೆ ಆರಂಭಿಸಿದರು. ಕಾಟ್ಲಾ, ರೋಹು,ಗೌರಿ, ಮೃಗಾಲ್ ಮೀನು ತಳಿಗಳನ್ನು ತಂದು ಮೀನಿನ ಸಾಕಣೆಯೊಂದಿಗೆ ಹ್ಯಾಚರಿಯನ್ನೂ ಕೂಡಾ ಮಾಡಿ ಯಶಸ್ವಿಯಾಗಿದ್ದಾರೆ. ಸದ್ಯ ರಾಮು ಮೀನು ಮತ್ತು ಮರಿಗಳನ್ನು ಉತ್ಪಾದಿಸಿ ಮಾರಾಟ ಮಾಡಿ ವರ್ಷಕ್ಕೆ ಲಕ್ಷ ಲಕ್ಷ ಆದಾಯ ಗಳಿಸ್ತಿದ್ದಾರೆ. ಅಲ್ಲದೆ ತಮ್ಮನ್ನ ಆಡಿಕೊಂಡವರ ಬಾಯಿಮುಚ್ಚಿಸಿ ಎಲ್ಲರಿಗೂ ಮಾದರಿಯಾಗಿದ್ದಾರೆ.