ಕಡಕನಾಥ್ ಕೋಳಿ ಸಾಕಣೆ ಕೋರ್ಸ್ - 1000 ಕೋಳಿಗಳಿಂದ 6 ತಿಂಗಳಲ್ಲಿ 8 ಲಕ್ಷ ಸಂಪಾದಿಸಿ!

ಜಿ. ರಾಮಚಂದ್ರ, ಹಿರಿಯ ಕೃಷಿಕ. ತಮಿಳುನಾಡಿನ ಕೃಷ್ಣಗಿರಿ ಜಿಲ್ಲೆಯ ಹೊಸೂರು ತಾಲೂಕಿನ ಅರವಿಂದ ನಗರದವರು. ಡಿಪ್ಲೋಮಾ ಓದಿನ ನಂತರ ಉದ್ಯೋಗದ ಕಡೆಗೆ ಹೋಗದೆ ತನ್ನ ತಂದೆ ಪಾಲಿನ ಭೂಮಿಯಲ್ಲಿ ಕೃಷಿ ಆರಂಭಿಸಿದರು. ಸಾಂಪ್ರದಾಯಿಕ ಕೃಷಿಯನ್ನ ಬದಿಗಿರಿಸಿ ಪಶುಸಂಗೋಪನೆಗೆ ಮುಂದಾದ್ರು. ಪರಿಣಾಮ ಇಂದು ಗೀರ್‌ ಸೇರಿದಂತೆ ಹಲವು ತರಹದ ಹಸು,ಕೋಳಿಗಳನ್ನು ಸಾಕ್ತಿದ್ದು ಪಶುಸಂಗೋಪನೆಯಿಂದಲೇ ಲಕ್ಷ ಲಕ್ಷ ಸಂಪಾದಿಸ್ತಿದ್ದಾರೆ.

ನಾಗರಾಜ ಶೆಟ್ಟಿ, ಯಶಸ್ವಿ ಕುಕ್ಕುಟೋದ್ಯಮಿ. 7 ವರ್ಷಗಳಿಂದ ಕೋಳಿ ಸಾಕಣೆ ಮಾಡಿ ಅತ್ಯುತ್ತಮ ಆದಾಯ ಗಳಿಸ್ತಿದ್ದಾರೆ. ಸಣ್ಣದಾಗಿ ಶುರುಮಾಡಿದ ಉದ್ಯಮ ಇಂದು 20 ಸಾವಿರ ಕೋಳಿ ಸಾಕಣೆವರೆಗೆ ಬೆಳೆದು ನಿಂತಿದೆ. ಉದ್ಯೋಗ ಬಿಟ್ಟು ಹುಟ್ಟೂರಿಗೆ ವಾಪಸ್ಸಾದ ನಾಗರಾಜ್‌ ಅಡಿಕೆ ಕೃಷಿ ಜತೆಗೆ ಕೋಳಿ ಸಾಕಣೆಗೆ ಮುಂದಾದರು. ಕೋಳಿ ಸಾಕಣೆಯಲ್ಲಿ ಗೆದ್ದ ನಂತರ ಹೈನುಗಾರಿಕೆ ಕೂಡ ಶುರುಮಾಡಿದ್ದಾರೆ.

ಎಸ್.ಅಶೋಕ್ ಕುಮಾರ್, ಪಶುಸಂಗೋಪನೆ ಎಕ್ಸ್‌ಪರ್ಟ್‌. ಹತ್ತು ವರ್ಷದಿಂದ ಕುರಿ, 50 ಮೇಕೆ, 300 ಮೊಲ, 20 ಸಾವಿರ ಕೋಳಿಗಳನ್ನ ಸಾಕ್ತಿದ್ದಾರೆ. ತಮ್ಮ ಏಳು ಎಕರೆ ಜಮೀನಿನಲ್ಲಿ ತೆಂಗು, ಮಾವು ಮತ್ತು ಅಗರ್‌ವುಡ್‌ ಕೃಷಿ ಜತೆಗೆ ಜಾನುವಾರು ಸಾಕಣೆ ಮಾಡ್ತಿದ್ದಾರೆ. ಕೃಷಿ ಸಾಧನೆಗಾಗಿ ಸಕ್ಸಸ್‌ಫುಲ್‌ ಫಾರ್ಮರ್‌ ಪ್ರಶಸ್ತಿ ಇವರಿಗೆ ಬಂದಿದೆ.

ಸಚಿನ್‌ ಕೆ.ಎಸ್, ಯುವ ಕುಕುಟೋದ್ಯಮಿ. ಕುಕ್ಕುಟೋದ್ಯಮದಲ್ಲಿ 50 ಲಕ್ಷ ದುಡಿದ ಸಾಧಕ. 25 ಮರಿಗಳಿಂದ ನಾಟಿಕೋಳಿ ಸಾಕಣೆ ಶುರುಮಾಡಿ ಇದೀಗ ಪ್ರತೀ ವರ್ಷ 2500 ಕೋಳಿ ಮರಿಗಳನ್ನ ಮಾರಾಟ ಮಾಡಿ ಉತ್ತಮ ಆದಾಯ ಪಡೆಯುತ್ತಿದ್ದಾರೆ. ಸ್ವರ್ಣಧಾರ, ಗಿರಿರಾಜ, ಡಿಪಿಕ್ರಾಸ್‌, ಅಸೀಲ್‌ ಹೀಗೆ ಹಲವು ಜಾತಿಯ ಕೋಳಿಗಳನ್ನು ಸಾಕುತ್ತಿದ್ದಾರೆ. ಅಲ್ಲದೆ ಸಮಗ್ರ ಕೃಷಿಯಲ್ಲೂ ಇವ್ರು ಪರಿಣಿತರಾಗಿದ್ದಾರೆ.

ಸುಪ್ರಿಯಾ ಕಾಮತ್‌, ಕೋಳಿ ಸಾಕಣೆ ಮತ್ತು ಪೌಲ್ಟ್ರಿ ಫೀಡ್‌ ಮ್ಯಾನುಫ್ಯಾಕ್ಚರಿಂಗ್‌ ಉದ್ಯಮ ಮಾಡ್ತಿದ್ದಾರೆ. ಉಡುಪಿ ಜಿಲ್ಲೆಯ ಬಾರ್ಕೂರಿನ ಸುಪ್ರಿಯಾ 23 ವರ್ಷದಿಂದ ಈ ಉದ್ಯಮ ಮಾಡ್ತಿದ್ದಾರೆ. ಫೀಡ್‌ ತಯಾರಿಕೆ ಉದ್ಯಮದ ಜತೆಗೆ ಐದು ವರ್ಷದಿಂದ ಕೋಳಿ ಸಾಕಣೆನೂ ಮಾಡ್ತಿದ್ದಾರೆ. ವರ್ಷಕ್ಕೆ 12 ಲಕ್ಷ ದುಡಿಯುತ್ತಿರುವ ಸುಪ್ರಿಯಾ ಸಾಕಷ್ಟು ಪ್ರಶಸ್ತಿಗಳನ್ನ ಪಡೆದುಕೊಂಡಿದ್ದಾರೆ.