ಅಣಬೆ ಕೃಷಿ ಕೋರ್ಸ್ - 10 ಸಾವಿರ ಹೂಡಿಕೆಯೊಂದಿಗೆ ಮನೆಯಲ್ಲೇ ಬಿಸಿನೆಸ್ ಪ್ರಾರಂಭಿಸಿ

ಮನಸ್ವಿ ಹೆಗಡೆ ಕೆ. ಎನ್‌., ಯುವ ಉದ್ಯಮಿ ಶಿವಮೊಗ್ಗದ ಕೆರೆಕೊಪ್ಪದವರು. ಓದಿನ ನಂತರ ಬೆಂಗಳೂರಿನಲ್ಲಿ ಕೆಲ್ಸ ಮಾಡ್ತಿದ್ರು. ಕೋವಿಡ್ ಸಮಯದಲ್ಲಿ ಹುಟ್ಟೂರಿಗೆ ಮರಳಿ ಅಣಬೆ ಮೌಲ್ಯವರ್ಧನೆಗೆ ಕೈ ಹಾಕಿದ್ರು. ಅಣಬೆ ಕೃಷಿ ನಂತ್ರ ಅಣಬೆ ಉಪ್ಪಿನಕಾಯಿ,ಕುಕ್ಕೀಸ್ ,ಪೌಡರ್ ತಯಾರಿಸಿ ಆನ್ ಲೈನ್ ಆಫ್​ಲೈನ್​ ನಲ್ಲಿ ಮಾರಾಟ ಮಾಡಿ ವರ್ಷಕ್ಕೆ10 ಲಕ್ಷ ಆದಾಯ ಗಳಿಸೋ ಯಶಸ್ವಿ ಉದ್ಯಮಿಯಾಗಿದ್ದಾರೆ.

ಪ್ರಸನ್ನ ಡಿ.ಸೋಜಾ, ಯಶಸ್ವಿ ಮಿಲ್ಕಿ ಮಶ್ರೂಮ್ ಕೃಷಿಕ. ಹುಟ್ಟಿದ್ದು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ. ವಿದ್ಯಾಭ್ಯಾಸ ಮುಗಿದ ಬಳಿಕ ಕೆಲಸಕ್ಕೆ ಹೋಗದೇ ಕೃಷಿಗೆ ಮುಂದಾದ ಸಾಧಕ. ಕೃಷಿಯಲ್ಲಿ ಹೊಸತನ ಮಾಡಬೇಕು ಎಂದು ಯೋಚಿಸಿ ಮಿಲ್ಕಿ ಮಶ್ರೂಮ್ ಕೃಷಿ ಆರಂಭಿಸಿದ್ರು. ಅಂದು ಒಂದು ಘಟಕದಲ್ಲಿ ಆರಂಭವಾದ ಇವರ ಈ ಕೃಷಿ ವರ್ಷಕ್ಕೆಲಕ್ಷ ಲಕ್ಷದಷ್ಟು ಆದಾಯ ತಂದುಕೊಡುತ್ತಿದೆ.

ವಿವೇಕ್.ಆರ್, ಯಶಸ್ವಿ ಅಣಬೆ ಮತ್ತು ಸಮಗ್ರ ಕೃಷಿಕ. ಡ್ರೈ ಅಣಬೆ ಎಕ್ಸ್ಪೋರ್ಟ್‌ ಮಾಡೋದ್ರಲ್ಲಿ ಎಕ್ಸ್ಪರ್ಟ್. ಯುವ ಕೃಷಿಕರಾಗಿರುವ ವಿವೇಕ್ ರವರು 2018ರಲ್ಲಿ ಕೇವಲ 10 ಸಾವಿರ ಹೂಡಿಕೆಯೊಂದಿಗೆ ಅಣಬೆ ಕೃಷಿ ಪ್ರಾರಂಭಿಸಿ ಅದರಲ್ಲಿ ಯಶಸ್ಸನ್ನು ಕಂಡಿದ್ದಾರೆ. ಪ್ರಸ್ತುತ ಈಗ ರಾಜ್ಯದ ಬೇರೆ ಬೇರೆ ಅಣಬೆ ಫಾರ್ಮ್‌ನ ಸಹಕಾರದಿಂದ ನೂರು ಟನ್‌ ಡ್ರೈ ಅಣಬೆ ಎಕ್ಸ್ಪೋರ್ಟ್‌ ಮಾಡ್ತಿದ್ದಾರೆ.

ಮಹೇಶ್ ಎಚ್. ಕೋಲೂರು, ಯಶಸ್ವಿ ಹಣ್ಣು, ತರಕಾರಿ ಮತ್ತು ಮಶ್ರೂಮ್ ಕೃಷಿಕರು ಮತ್ತು ರೈತೋದ್ಯಮಿ. ಬಾಗಲಕೋಟೆಯ ಮಹೇಶ್‌ ಮಿಲ್ಕಿ ಮತ್ತು ಆಯ್ಸ್ಟರ್ ಮಶ್ರೂಮ್ ಬೆಳೆಯೋದರಲ್ಲಿ ಎಕ್ಸ್ಪರ್ಟ್. ಮಾವು ಮತ್ತು ಪೇರಳೆಯಂತಹ ಹಣ್ಣಿನ ಬೆಳೆ ಜೊತೆಗೆ ಬದನೆ, ಮೆಣಸು, ಟೊಮ್ಯಾಟೋ ಸೇರಿದಂತೆ 12ಬಗೆಯ ತರಕಾರಿ ಬೆಳೆಯುತ್ತಿದ್ದಾರೆ. "ಜಿಲ್ಲಾ ಮಟ್ಟದ ಸಂಶೋಧನಾ ವ್ಯಕ್ತಿ" ಎಂಬ ಪ್ರಶಸ್ತಿಯನ್ನು ಪಡೆದಿದ್ದಾರೆ.

ಸಂಧ್ಯಾ ಬಿ.ಎಂ, ಬೆಂಗಳೂರಿನ ಯಶಸ್ವಿ ಮಹಿಳಾ ಅಣಬೆ ಕೃಷಿಕರು. ಐಟಿ ಉದ್ಯೋಗಿ ಆಗಿದ್ದರೂ ಕೂಡ ಉದ್ಯೋಗದ ಜೊತೆಗೆ ಆಯಿಸ್ಟರ್‌ ಅಣಬೆ ಕೃಷಿ ಮಾಡಿ ಗೆದ್ದ ಸಾಧಕಿ. 2020ರಲ್ಲಿ ಆರಂಭಿಸಿದ ಅಣಬೆ ಕೃಷಿ ಇಂದು ಪ್ರತೀ ವರ್ಷ ಮೂರು ಲಕ್ಷ ನಿವ್ವಳ ಲಾಭ ತರುತ್ತಿದೆ. ನಗರದಲ್ಲಿ ಉದ್ಯೋಗ ಮತ್ತು ಕೃಷಿ ಎರಡನ್ನೂ ಮಾಡಿ ಸಕ್ಸಸ್‌ ಆಗಿದ್ದಾರೆ