ಕೃಷಿ ಉದ್ಯಮ- ಅನ್ನಪೂರ್ಣೇಶ್ವರಿ ಕೃಷಿ ಉತ್ಪನ್ನಗಳ ಯಶೋಗಾಧೆ

ಮನಸ್ವಿ ಹೆಗಡೆ ಕೆ. ಎನ್‌., ಯುವ ಉದ್ಯಮಿ ಶಿವಮೊಗ್ಗದ ಕೆರೆಕೊಪ್ಪದವರು. ಓದಿನ ನಂತರ ಬೆಂಗಳೂರಿನಲ್ಲಿ ಕೆಲ್ಸ ಮಾಡ್ತಿದ್ರು. ಕೋವಿಡ್ ಸಮಯದಲ್ಲಿ ಹುಟ್ಟೂರಿಗೆ ಮರಳಿ ಅಣಬೆ ಮೌಲ್ಯವರ್ಧನೆಗೆ ಕೈ ಹಾಕಿದ್ರು. ಅಣಬೆ ಕೃಷಿ ನಂತ್ರ ಅಣಬೆ ಉಪ್ಪಿನಕಾಯಿ,ಕುಕ್ಕೀಸ್ ,ಪೌಡರ್ ತಯಾರಿಸಿ ಆನ್ ಲೈನ್ ಆಫ್​ಲೈನ್​ ನಲ್ಲಿ ಮಾರಾಟ ಮಾಡಿ ವರ್ಷಕ್ಕೆ10 ಲಕ್ಷ ಆದಾಯ ಗಳಿಸೋ ಯಶಸ್ವಿ ಉದ್ಯಮಿಯಾಗಿದ್ದಾರೆ.

ವರುಣ್ ಪಿ.ಆರ್. ಹೈನುಗಾರಿಕೆಯಲ್ಲಿ ಎಕ್ಸ್ಪರ್ಟ್‌. ಉನ್ನತ ವಿದ್ಯಾಭ್ಯಾಸ ಮಾಡಿದ್ರು ಕೂಡ ಉದ್ಯೋಗಕ್ಕೆ ತೆರಳದೆ ತಂದೆ ಕಷ್ಟಪಟ್ಟು ಕಟ್ಟಿದ್ದ ಹೈನುಗಾರಿಕೆಯನ್ನೇ ಮುಂದುವರೆಸಿಕೊಂಡು ಬಂದವರು. 50 ಹೆಚ್‌.ಎಫ್‌ ಹಸುಗಳ ಹೈನುಗಾರಿಕೆ ಮಾಡಿ ಹಾಲು, ಗೊಬ್ಬರದಿಂದ ಅತ್ಯುತ್ತಮ ಆದಾಯಗಳಿಸ್ತಿದ್ದಾರೆ. ಒಂದು ಹಸುವಿನಿಂದ 50 ಹಸುವಿನವರೆಗೆ ಬೆಳೆದ ಇವರ ಉದ್ಯಮ ಕೋಟಿ ದುಡಿಮೆ ಕಾಣುವಂತೆ ಮಾಡಿದೆ. ಜತೆಯಲ್ಲಿ ಕುರಿಗಳನ್ನೂ ಸಾಕ್ತಿದ್ದಾರೆ.

ಶರಣ್ಯ, ಎಂಬಿಎ ಪದವೀಧರೆ. ಸರ್ಕಾರಿ ನೌಕರರ ಮಗಳಾಗಿದ್ರು ಓದಿನ ನಂತರ ಉದ್ಯೋಗಕ್ಕೆ ತೆರಳದೆ ಕೃಷಿ ಉದ್ಯಮಿಯಾಗಿ ಹೊರಹೊಮ್ಮಿದ್ದಾರೆ. ಸಮಗ್ರ ಕೃಷಿ ಜತೆಗೆ ಶೇಂಗಾ ಕೃಷಿ ಮಾಡ್ತಿದ್ದಾರೆ. ಬೆಳೆದ ಶೇಂಗಾವನ್ನ ತಾವೇ ಆಯಿಲ್‌ ಮಿಲ್‌ ಇಟ್ಟುಕೊಂಡು ಮೌಲ್ಯವರ್ಧನೆ ಮಾಡಿ ಬೆಂಗಳೂರಿನಲ್ಲಿ ತಮ್ಮದೇ ಒಂದು ಔಟ್‌ಲೆಟ್‌ ಮಾಡಿಕೊಂಡು ಕೃಷಿ ಉದ್ಯಮ ಮಾಡ್ತಿದ್ದಾರೆ.

ತಮ್ಮರಾಯ ನಿಂಬುಣಿ, ಯುವ ಸಾಧಕ ಡ್ರಾಗನ್‌ ಹಣ್ಣಿನ ಕೃಷಿಕ. ವಿಜಯಪುರ ಜಿಲ್ಲೆಯ ತಮ್ಮರಾಯ ಓದಿದ್ದು ಇಂಜಿನಿಯರಿಂಗ್.‌ ಇಂಜಿನಿಯರಿಂಗ್‌ ಓದಿನ ನಂತರ ಮುಂಬೈನಲ್ಲಿ ಕೆಲಸಕ್ಕೆ ಸೇರಿದ ಸಂದರ್ಭದಲ್ಲಿ ಮಾರ್ಕೆಟ್‌ನಲ್ಲಿ ಕಂಡ ಡ್ರಾಗನ್‌ ಹಣ್ಣು ಇವರನ್ನ ಆಕರ್ಷಿಸಿದೆ. ಹುಟ್ಟೂರಲ್ಲಿ ಕೃಷಿ ಮಾಡುವಂತೆ ಮಾಡಿದೆ. ಇಂದು ವರ್ಷಕ್ಕೆ ಒಂದು ಎಕರೆಗೆ ಐದು ಲಕ್ಷಗಳಿಸ್ತಿದ್ದಾರೆ.

ಬಿ.ಬಾಲರಾಜು, ಯಶಸ್ವಿ ನರ್ಸರಿ ಉದ್ಯಮಿ. ಬೆಂಗಳೂರಲ್ಲಿ ಬರೋಬ್ಬರಿ 18 ಎಕರೆಯಲ್ಲಿ ನರ್ಸರಿ ಉದ್ಯಮ ಮಾಡಿ ಕೋಟಿ ದುಡಿಯುತ್ತಿರುವ ಸಾಧಕ. 37 ವರ್ಷದ ಹಿಂದೆ ಬಾಲರಾಜ್‌ ಬದುಕು ಈ ರೀತಿ ಇರಲಿಲ್ಲ. ಲಾರಿಯಲ್ಲಿ ಕೂಲಿ ಕೆಲಸ ಮಾಡ್ತಿದ್ದರು. ಆ ಸಮಯದಲ್ಲಿ ಸಣ್ಣದಾಗಿ ಆರಂಭ ಮಾಡಿದ ನರ್ಸರಿ ಉದ್ಯಮ ಇಂದು, ವಿದೇಶಕ್ಕೆ ರಫ್ತು ಮಾಡುವ ಮಟ್ಟಿಗೆ ಬೆಳೆದು ನಿಂತಿದೆ.