B V Lakshmidevi Gopinath

ಶಿವಮೊಗ್ಗದ ಡಾ. ಲಕ್ಷ್ಮಿದೇವಿ ಗೋಪಿನಾಥ್ ಬಿ ವಿ, ಪ್ರಸಿದ್ಧ ಮಥುರಾ ಫುಡ್ ಪ್ರಾಡೆಕ್ಟ್ಸ್ ಮಾಲೀಕರು. ಕೂಡು ಕುಟುಂಬದ ಹಿರಿಯ ಸೊಸೆಯಾಗಿ, 2 ಮಕ್ಕಳ ತಾಯಾಗಿದ್ದ ಇವ್ರಿಗೆ 4 ಗೋಡೆಗಳ ಮಧ್ಯೆ ತಮ್ಮ ಇಡೀ ಜೀವನ ಸವೆಸಲು ಇಷ್ಟವಿರಲಿಲ್ಲ. ಬದ್ಲಾಗಿ ಏನಾದ್ರೂ ಸಾಧಿಸಬೇಕೆಂಬ ಹಂಬಲವಿತ್ತು.. ಹಠವಿತ್ತು. ಸವಾಲುಗಳನ್ನೇ ಸಾಧನೆಗೆ ಮೆಟ್ಟಿಲಾಗಿಸಿಕೊಂಡ ಇವ್ರ ಪ್ರರಿಶ್ರಮದ ಫಲವಾಗಿ ಆರಂಭವಾಗಿದ್ದೇ ಮಥುರಾ ಫುಡ್ ಪ್ರಾಡೆಕ್ಟ್ಸ್ ಕೇವಲ 100 ರೂಪಾಯಿ ಬಂಡವಾಳದಿಂದ ಜಾಮ್ ತಯಾರಿಸೋ ಮೂಲಕ ಈ ಬಿಸಿನೆಸ್ ಆರಂಭಿಸಿದ್ದ ಇವ್ರು ಇದೀಗ 54 ಪ್ರಾಡೆಕ್ಟ್ಸ್ ಗಳನ್ನು ತಯಾರಿಸಿ, ದೇಶ ವಿದೇಶಗಳಲ್ಲಿ ಮಾರಾಟ ಮಾಡೋ ಹಂತಕ್ಕೆ ಬೆಳೆದಿದ್ದಾರೆ. ಉಪ್ಪಿನಕಾಯಿ , ಹಲವು ವೆರೈಟಿ ಜಾಮ್, ಸಂಬಾರ್ ಪೌಡರ್, ಇನ್ಸೆಂಟ್ ಮಿಕ್ಸ್, ವೆಜ್ ಚಟ್ನಿಗಳು, ಹಪ್ಪಳ, ಆರೋಗ್ಯ ವರ್ಧಕ ಪೇಯಗಳಿಗೆ ಇವ್ರು ಪ್ರಸಿದ್ಧಿ ಪಡೆದಿದ್ದಾರೆ. ಅಷ್ಟೇ ಅಲ್ಲದೆ, ಮಾರ್ಕೆಟಿಂಗ್ ಸ್ಟಾಟರ್ಜಿಯಲ್ಲಿ ಲಕ್ಷ್ಮೀದೇವಿಯವ್ರು ಎಕ್ಸ್ ಪರ್ಟ್ ಅನ್ನಿಸಿಕೊಂಡಿದ್ದಾರೆ. ಹಂತ ಹಂತವಾಗಿ ತಮ್ಮ ಬಿಸಿನೆಸ್ ಕಟ್ಟಿದ ಇವ್ರು ದುಬೈವರೆಗೂ ತಮ್ಮ ಪ್ರಾಡೆಕ್ಟ್ ಗಳಿಗೆ ಮಾರ್ಕೆಟ್ ಸೃಷ್ಟಿಸಿಕೊಂಡಿದ್ದಾರೆ. ಡಾ.ಲಕ್ಷ್ಮಿದೇವಿ ಗೋಪಿನಾಥ್, ಅವ್ರ ಸಾಧನೆಗೆ ಅಂತಾರಾಷ್ಟ್ರೀಯ ಪ್ರಿಯದರ್ಶಿನಿ ಪ್ರಶಸ್ತಿ, ರಾಷ್ಟ್ರಮಟ್ಟದ ಪ್ರಶಸ್ತಿ ಸೇರಿದಂತೆ ಹಲವಾರು ಹಲವು ರಾಜ್ಯ ಮಟ್ಟದ ಪ್ರಶಸ್ತಿಗಳು ದೊರಕಿವೆ.