Kantharaju M

ಕುರಿ ಸಾಕಣೆ ರೈತರ ಪಾಲಿನ ATM ಅನ್ನೋದನ್ನು ತೋರಿಸಿಕೊಟ್ಟವರಲ್ಲಿ ಒಬ್ಬರು ಕಾಂತರಾಜು ಎಂ. ಮೂಲತಃ ಚಿಕ್ಕಬಳ್ಳಾಪುರದವರಾದ ಇವರು ಕೃಷಿ ಕುಟುಂಬದಲ್ಲಿಯೇ ಹುಟ್ಟಿದ್ದು ಬಾಲ್ಯದಿಂದಲ್ಲೇ ಕೃಷಿ ಚಟುವಟಿಕೆಗಳನ್ನು ನೋಡಿಕೊಂಡು ಬೆಳೆದವರು. ಈ ಕಾರಣಕ್ಕಾಗಿಯೇ ಅವರು ಕೃಷಿಯ ಉಪಕಸಬುಗಳಲ್ಲಿ ಒಂದಾದ ಕುರಿ ಸಾಕಣೆಗೆ ಮುಂದಾಗುತ್ತಾರೆ. ಅದರಂತೆ ಆರಂಭದಲ್ಲಿ ಅವರು ದಕ್ಷಿಣ ಆಫ್ರಿಕಾ ಮೂಲದ ತಳಿ ಡಾರ್ಪರ್‌ ಕುರಿ ಸಾಕಣೆ ಮಾಡಿ ಭರ್ಜರಿ ಆದಾಯ ಗಳಿಸುತ್ತಿದ್ದಾರೆ. ಸದ್ಯ ಇವರು 25 ಕ್ಕು ಹೆಚ್ಚು ಡಾರ್ಪರ್‌ ತಳಿ ಕುರಿ ಸಾಕಣೆ ಮಾಡುತ್ತಿದ್ದು ಅದರಿಂದ ಬ್ರೀಡಿಂಗ್‌ ಮಾಡಿಸುವ ಮೂಲಕ ಆದಾಯ ಗಳಿಸುತ್ತಿದ್ದಾರೆ. ಹೀಗೆ ನಾನಾ ಪ್ರಸಿದ್ಧ ತಳಿಗಳಾದ ಜಮ್ನಾಪುರಿ ಮೇಕೆ ಸೇರಿದ್ದಂತೆ ಹಲವು ತಳಿಯ ಕುರಿ ಮತ್ತು ಮೇಕೆ ಸಾಕಣೆ ಮಾಡುತ್ತಿರುವ ಇವರು ಇದ್ರಲ್ಲಿ ಅಪಾರ ಜ್ಞಾನವನ್ನು ಹೊಂದಿದ್ದಾರೆ. ಇಷ್ಟೇ ಅಲ್ಲದೇ ರೇಷ್ಮೆ ಕೃಷಿ ಮಾಡುತ್ತಿರುವ ಕಾಂತರಾಜು ಅವರು ಜೊತೆ ಜೊತೆಯಲ್ಲಿಯೇ ಹೈನುಗಾರಿಕೆ ಮಾಡುತ್ತಿದ್ದು, ಓರ್ವ ಪ್ರಗತಿ ಪರ ರೈತರಾಗಿ ಗುರುತಿಸಿಕೊಂಡಿದ್ದಾರೆ.