Krishna Sujan

ಕೃಷ್ಣ ಸುಜನ್, ಯಶಸ್ವಿ ಡಿಜಿಟಲ್ ಕ್ರಿಯೇಟರ್. ಫೋಟೋಗ್ರಫಿ, ಎಡಿಟಿಂಗ್ ಮತ್ತು ಮೂವಿ ಮೇಕಿಂಗ್ ನಲ್ಲಿ ಇವರು ಎಕ್ಸ್ಪರ್ಟೈಸ್ ಹೊಂದಿದ್ದಾರೆ. ಮೂಲತಃ ಬೆಂಗಳೂರಿನವರಾದ ಇವರು ಇಂಜಿನಿಯರಿಂಗ್ ಪದವಿ ಮುಗಿಸಿ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಇದೇ ಸಂದರ್ಭದಲ್ಲಿ ಫೋಟೋಗ್ರಫಿಯನ್ನು ಹವ್ಯಾಸವಾಗಿ ಪ್ರಾರಂಭಿಸಿದರು. ಮೊದಲಿಗೆ ಐತಿಹಾಸಿಕ ಸ್ಥಳಗಳ ಫೋಟೋಗಳನ್ನ ತೆಗೆಯುತ್ತಿದ್ದವರು ತದನಂತರ ಬಿಸಿನೆಸ್‌ ಐಡಿಯಾ ಮಾಡಿದ್ರು.. ನಂತರ ಕೃಷ್ಣ ಸುಜನ್ ರವರು ತಮ್ಮ ಖಾಸಗಿ ಕಂಪನಿಯ ಕೆಲಸವನ್ನ ತೊರೆದು ಫುಲ್ ಟೈಮ್ ಡಿಜಿಟಲ್ ಕ್ರಿಯೇಟರ್ ಆಗಿ ಕೆಲಸ ಪ್ರಾರಂಭಿಸಿದರು. ಫೋಟೋಗ್ರಫಿ, ವಿಡಿಯೋಗ್ರಫಿ ಸರ್ವಿಸ್ ಗಳನ್ನ ಒದಗಿಸಲು ಕೃಷ್ಣ ಸುಜನ್ ರವರು 2015ರಲ್ಲಿ ತಮ್ಮದೇ ಆದ ಸ್ವಂತ ಸ್ಟುಡಿಯೋ ಪ್ರಾರಂಭಿಸಿದರು. ಇದಿಷ್ಟೇ ಅಲ್ಲದೇ ವಂಶೋದ್ದಾರಕ ಎಂಬ ಚಲನಚಿತ್ರಕ್ಕೆ ಅಸಿಸ್ಟೆಂಟ್ ಡೈರೆಕ್ಟರ್ ಆಗಿ ಸಹ ಕೃಷ್ಣ ಸುಜನ್ ರವರು ಕೆಲಸ ಮಾಡಿದ್ದಾರೆ ಜೊತೆಗೆ ತಮ್ಮ ವಿಡಿಯೋ ಎಡಿಟಿಂಗ್ ಗಾಗಿ ಕನ್ನಡ ಚಲನಚಿತ್ರೋದ್ಯಮದಿಂದ ಅತ್ಯುತ್ತಮ ವಿಡಿಯೋ ಎಡಿಟರ್ ಎಂಬ ಪ್ರಶಸ್ತಿಯನ್ನು ಸಹ ಪಡೆದುಕೊಂಡಿದ್ದಾರೆ. ತಮ್ಮ ಪ್ಯಾಶನ್ ಅನ್ನು ಬಿಸಿನೆಸ್ ಆಗಿಸಿಕೊಂಡಿರುವ ಕೃಷ್ಣ ಸುಜನ್ ರವರು ತಮ್ಮ ಡಿಜಿಟಲ್ ಕ್ರಿಯೇಟರ್ ಬಿಸಿನೆಸ್ ನಿಂದ ತಿಂಗಳಿಗೆ ಕೈತುಂಬಾ ಆದಾಯ ಗಳಿಸುತ್ತಿದ್ದಾರೆ.