Manjunath R

ಮಂಜುನಾಥ್‌ ಆರ್‌, ಉತ್ತಮ ಕೃಷಿ ಪದ್ಧತಿ ಬಲ್ಲ ರೈತ. ಇದಕ್ಕಿಂತಲೂ ಹೆಚ್ಚಾಗಿ ಯಶಸ್ವಿ ಮೆಕಾಡೇಮಿಯಾ ಕೃಷಿಕ. ಅಂದಹಾಗೆ ಮೆಕಾಡೇಮಿಯಾ ಜಗತ್ತಿನ ಅತ್ಯಂತ ದುಬಾರಿ ನಟ್ ಅಂತಾನೇ ಖ್ಯಾತಿ ಗಳಿಸಿರೋ ಆಸ್ಟ್ರೇಲಿಯನ್‌ ನಟ್ಸ್‌. ಆದರೆ ಮೆಕಾಡೇಮಿಯಾ ಕೃಷಿ ಭಾರತದಲ್ಲಿ ಈಗ ತಾನೇ ಫೇಮಸ್‌ ಆಗ್ತಿದೆ. ಆದರೆ ಮಂಜುನಾಥ್‌ ಆರ್‌ ಈಗಾಗ್ಲೆ ಈ ಕೃಷಿಯಲ್ಲಿ ಫುಲ್‌ ಎಕ್ಸ್‌ಪರ್ಟ್‌. ಮೊದಲಿಗೆ ಬೇರೆ ಬೇರೆ ಕೆಲಸಗಳನ್ನು ಮಾಡ್ತಿದ್ದ ಮಂಜುನಾಥ್‌ ನಂತರ ಕೃಷಿ ಕ್ಷೇತ್ರದಲ್ಲಿ ಅದೃಷ್ಟ ಪರೀಕ್ಷೆಗೆ ಮುಂದಾದ್ರು. ದುಬಾರಿ ಮೆಕಾಡೇಮಿಯಾ ಬೆಳೆಯುವುದಕ್ಕೆ ಎಲ್ಲ ಪ್ರಯತ್ನಗಳನ್ನು ನಡೆಸಿದರು. ಇದಕ್ಕಾಗಿ ಇವರು ನೇಪಾಳ, ಭೂತಾನ್‌, ಮ್ಯಾನ್ಮಾರ್‌ ಮುಂತಾದ ದೇಶಗಳಿಗೂ ಹೋಗಿ ಅಲ್ಲಿನ ಮೆಕಾಡೇಮಿಯಾ ಕೃಷಿ ವಿಧಾನಗಳ ಬಗ್ಗೆ ಆಳವಾದ ಅಧ್ಯಯನ ನಡೆಸಿ ಈ ಕೃಷಿಯಲ್ಲಿ ನಿಸ್ಸೀಮರಾಗಿದ್ದಾರೆ. ತಮ್ಮ 2 ಎಕರೆ ಜಮೀನಿನಲ್ಲಿ ಮೆಕಾಡೇಮಿಯಾ ಕೃಷಿ ಮಾಡಿ ಸಕ್ಸಸ್‌ ಕೂಡ ಆಗಿದ್ದಾರೆ. ಇದರ ಜೊತೆಗೆ 2 ಎಕರೆಯಲ್ಲಿ ಹಣ್ಣಿನ ಗಿಡಗಳ ನರ್ಸರಿ ಮಾಡಿದ್ದಾರೆ. ಈ ನರ್ಸರಿಯಲ್ಲಿ 1500 ಕ್ಕೂ ಹೆಚ್ಚು ಬಗೆಯ ಹಣ್ಣಿನ ಗಿಡಗಳಿವೆ. ಈ ಹಣ್ಣಿನ ಸಸಿಗಳ ಜೊತೆಗೆ ಮೆಕಾಡೇಮಿಯಾ ಗಿಡಗಳನ್ನು ಮಾರಾಟ ಮಾಡ್ತಿದ್ದಾರೆ. ಹೀಗಾಗಿ ಮೆಕಾಡೇಮಿಯಾ ಮತ್ತು ಹಣ್ಣಿನ ಸಸಿಗಳ ನರ್ಸರಿ ಬಗ್ಗೆ ಇವರಿಗೆ ಅಪಾರ ಜ್ಞಾನ ಹಾಗೂ ಅನುಭವವಿದೆ.