Nagaraj Pai

ನಾಗರಾಜ್ ಪೈ, ಯಶಸ್ವಿ ಡೈರಿ ಉದ್ಯಮಿ. ದೇಸಿ ತಳಿ ಹಸು ಸಾಕಣೆ ಎಕ್ಸ್ಪರ್ಟ್. ಮೂಲತಃ ಉಡುಪಿಯವರಾದ ನಾಗರಾಜ್ ಪೈ ಇಂಜಿನಿಯರಿಂಗ್ ಮುಗಿಸಿ ದುಬೈನಲ್ಲಿ ಸುಮಾರು 20 ವರ್ಷಗಳ ಕಾಲ ಕೆಲಸ ಮಾಡಿದವರು. ಆದರೆ ಅರೋಗ್ಯ ಸಮಸ್ಯೆಯ ಕಾರಣ ನಂತರ ಭಾರತಕ್ಕೆ ವಾಪಸ್ಸಾದರು. ಅರೋಗ್ಯ ಸಮಸ್ಯೆ ಎದುರಾದಾಗ ಇವರಿಗೆ ಶುದ್ಧ ದೇಸಿ ತಳಿ ಹಸುವಿನ ಹಾಲು ಮತ್ತು ತುಪ್ಪದ ಅಗತ್ಯತೆ ಇತ್ತು. ಆದರೆ ಅದು ಸಿಗದಿದ್ದಾಗ ತಾವೇ ದೇಸಿ ತಳಿ ಹಸುವಿನ ಸಾಕಣೆ ಆರಂಭಿಸಿದರು. ಮೊದಲಿಗೆ ಕೇವಲ 2 ದೇಸಿ ತಳಿ ಹಸುಗಳಿಂದ ಹಸು ಸಾಕಣೆಯನ್ನು ಆರಂಭಿಸಿದ ನಾಗರಾಜ್ ಪೈ ರವರು ಇಂದು 65 ಹಸುಗಳನ್ನು ಸಾಕಣೆ ಮಾಡುತ್ತಿದ್ದಾರೆ ಮತ್ತು ಇದರ ಜೊತೆಗೆ ಹಾಲಿನ 16 ಬಗೆಯ ಉಪಉತ್ಪನ್ನವನ್ನು ತಯಾರಿಸಿ ಮಾರಾಟ ಮಾಡುವ ಮೂಲಕ ಯಶಸ್ವಿ ಉದ್ಯಮಿಯಾಗಿ ಹೊರಹೊಮ್ಮಿದ್ದಾರೆ. ದೇಸಿ ತಳಿ ಹಸು ಆಯ್ಕೆ, ಬ್ರೀಡಿಂಗ್, ಹಸುಗಳ ಪೋಷಣೆ, ಶೆಡ್ ನಿರ್ಮಾಣ, ಆಹಾರ ಮತ್ತು ಪೌಷ್ಟಿಕಾಂಶ, ರೋಗ ನಿರ್ವಹಣೆ, ಮಿಲ್ಕಿಂಗ್ ಟೆಕ್ನಿಕ್ಸ್, ಮಿಲ್ಕಿಂಗ್ ಎಕ್ವಿಪ್ಮೆಂಟ್ಸ್, ಮಿಲ್ಕ್ ಹ್ಯಾಂಡಲಿಂಗ್ ಮತ್ತು ಸ್ಟೋರೇಜ್, ಹಾಲಿನ ಉಪಉತ್ಪನ್ನಗಳು, ಸರ್ಕಾರದ ಬೆಂಬಲ, ಆನ್ಲೈನ್ ಮತ್ತು ಆಫ್ಲೈನ್ ಮಾರ್ಕೆಟಿಂಗ್ ಬಗ್ಗೆ ಇವರಿಗೆ ಅಪಾರ ಅನುಭವ ಇದೆ.