Nagaraja B J

ನಾಗರಾಜ್. ಯಶಸ್ವಿ ಸಂಯೋಜಿತ ಮೀನು ಮತ್ತು ಕೋಳಿಕೃಷಿಕ. ಹುಟ್ಟಿದ್ದು ಹಾಸನ ಜಿಲ್ಲೆಯ ಗೊರೂರಿನಲ್ಲಿ.. ಪಿಯುಸಿ ಓದಿರೋ ನಾಗರಾಜ್ ಜೀನೋಪಾಯಕ್ಕಾಗಿ ಮಾಡದ ಕೆಲಸವೇ ಇಲ್ಲ. ಕೊನೆಗೂ ಕ್ಲಾಸ್ ಒನ್ ಕಂಟ್ರ್ಯಾಕ್ಟರ್ ಕೂಡ ಆಗಿದ್ರು. ಆದರೆ ಈ ಬಿಸಿನೆಸ್ ನಲ್ಲಿ ಹೆಚ್ಚು ದಿನ ಇರಲಾಗಲಿಲ್ಲ. ಇನ್ನೇನಾದರು ಮಾಡಬೇಕು ಅಂತ ನೇರ ಹುಟ್ಟೂರಿಗೆ ಮರಳಿದ ನಾಗರಾಜ್ ಇದ್ದ ಕೃಷಿ ಭೂಮಿಯಲ್ಲಿ ಏನಾದರು ಮಾಡೋಣ ಅಂತ ಹೊರಟರು. ಆಗಲೇ ಹೊಳೆದದ್ದು ಮೀನು ಮತ್ತು ಕೋಳಿ ಸಂಯೋಜಿತ ಕೃಷಿ. ಈ ಐಡಿಯ ಸಿಕ್ಕ ನಂತರ ಜಮೀನಿನಲ್ಲಿ ಮೀನು ಹೊಂಡ ನಿರ್ಮಿಸಿ ಮೂರನೇ ಒಂದು ಭಾಗದಲ್ಲಿ ಮೇಲೆ ಕೋಳಿಗಳಿರುವಂತೆ ಕೆಳಗೆ ಮೀನುಗಳಿರುವಂತೆ ಶೆಡ್ ನಿರ್ಮಿಸಿದರು..ನಾಟಿ ಕೋಳಿ ಮತ್ತು ಮೀನು ಒಂದೇ ಜಾಗದಲ್ಲಿ ಆದಾಯ ತರುವಂತಾಯಿತು. ಈ ಯಶಸ್ಸು ಸಿಕ್ಕ ನಂತರ ಮತ್ತಷ್ಟು ಮೀನು ಹೊಂಡ ಸಿದ್ದಮಾಡಿಕೊಂಡು ಅಲ್ಲಿ, ಕಾಟ್ಲಾ, ರೋಹು, ಮೃಗಾಲ್‌ ಮೀನು ಸಾಕಣೆ ಆರಂಭ ಮಾಡಿದ್ರು. ಜತೆಗೆ ಹ್ಯಾಚರಿಯಿಂದ ಮರಿಗಳನ್ನ ತಂದು ಬೆಳೆಸಿ ಕೃಷಿಕರಿಗೆ ನೀಡುವ ಮತ್ತೊಂದು ಉದ್ಯಮವನ್ನ ಜತೆಯಲ್ಲೇ ಮಾಡಿದರು. ಪರಿಣಾಮ ಕೋಳಿ, ಮೀನು, ಮೀನು ಮರಿ ಈ ಮೂರರ ಮಿಶ್ರ ಕೃಷಿಯಿಂದಾಗಿ ಇಂದು ವರ್ಷಕ್ಕೆ ಅರ್ಧ ಎಕರೆಯಲ್ಲಿ 12 ಲಕ್ಷ ಸಂಪಾದಿಸುತ್ತಿದ್ದಾರೆ.. ಸಾಕಷ್ಟು ಪ್ರಶಸ್ತಿಗಳ ಕೂಡ ಇವರನ್ನ ಅರಸಿಕೊಂಡು ಬಂದಿದೆ. ಅನೇಕ ವಾಹಿನಿಗಳು ಇವರನ್ನ ಗುರುತಿಸಿದೆ.ಹಲವು ಸಂಘ ಸಂಸ್ಥೆಗಳು ಸನ್ಮಾನಿಸಿವೆ.