Ravikumar

ರವಿಕುಮಾರ್, ಯಶಸ್ವಿ ಡಚ್ ರೋಸ್ ಹೂವಿನ ಕೃಷಿಕ. ಬರೋಬ್ಬರಿ 16 ವರ್ಷ ಗಳಿಂದ ಗುಲಾಬಿ ಹೂವಿನ ಕೃಷಿಯಲ್ಲಿ ಯಶೋಗಾಥೆ ಬರೆದಿರುವ ಸಾಧಕ. ಹುಟ್ಟಿದ್ದು ದೊಡ್ಡಬಳ್ಳಾಪುರದಲ್ಲಿ. ಹಳ್ಳಿಯಲ್ಲಿ ಹುಟ್ಟಿದ್ರು ಓದಿದ್ದು ನಗರದಲ್ಲಿ. ಪಟ್ಟಣದ ವ್ಯಾಮೋಹ ಅಂಟಿಸಿಕೊಳ್ಳದೆ ಕೃಷಿಯಲ್ಲೇ ಬದುಕನ್ನ ಅರಳಿಸಿಕೊಳ್ಳೋ ಕನಸ್ಸುನ್ನ ಕಂಡ ರವಿಕುಮಾರ್, ಹಳ್ಳಿಗೆ ಮರಳಿ ಹೆತ್ತವರ ಪಾಲಿನ ಕೃಷಿ ಭೂಮಿಯಲ್ಲಿ ಸಾಂಪ್ರದಾಯಿಕ ಕೃಷಿ ಶುರುಮಾಡಿದ್ರು. ಬಳಿಕ ಕೃಷಿಯಲ್ಲೇ ಆದಾಯ ಹೆಚ್ಚಿಸಿಕೊಳ್ಳಲು ಯೋಚಿಸಿದ ಇವ್ರ ಕೈ ಹಿಡಿದಿದ್ದು ಹೂಗಳ ರಾಣಿ, ಡಚ್ ರೋಸ್... ರೋಸ್ ಕೃಷಿ ಬಗ್ಗೆ ತಿಳಿದುಕೊಂಡ ಇವ್ರು, ಅದರ ಸುತ್ತ ಹಲವು ಅಧ್ಯಯನ ನಡೆಸಿದ್ರು. ನಂತರ ವರ್ಷದ ಎಲ್ಲಾ ಕಾಲದಲ್ಲೂ ಬೇಡಿಕೆಯಲ್ಲಿರೋ ಡಚ್ ರೋಸ್ ಬೆಳೆಯಲು ಆರಂಭಿಸಿಯೇ ಬಿಟ್ರು. ಆರಂಭದಲ್ಲಿ ಕೇವಲ 6 ಗುಂಟೆ ಜಮೀನಿನಲ್ಲಿ ರೋಸ್ ನಾಟಿ ಮಾಡಿದ್ರು, ಇಂದು ಇದೇ ರೋಸ್ ಕೃಷಿ ಬರೋಬ್ಬರಿ 8 ಎಕರೆಗೆ ವಿಸ್ತರಿಸಿಕೊಂಡಿದೆ. ಕೋಟಿ ಆದಾಯ ಬಾಚಿಕೊಳ್ಳುವಂತಾಗಿದೆ. ಪಾಲಿಹೌಸ್ ಹಾಗೂ ಗುಲಾಬಿ ಕೃಷಿಯಲ್ಲಿ ದಶಕಗಳ ಅನುಭವಿರೋ, ರವಿಕುಮಾರ್ ಅವರು ಇಂದಿನ ಯುವ ಪೀಳಿಗೆಗೆ ಮಾದರಿಯಾಗಿದ್ದಾರೆ.