1 ಎಕರೆಯಲ್ಲಿ ಖರ್ಜೂರ ಕೃಷಿ ಕೋರ್ಸ್

ಹೊಸತಾಗಿ ಖರ್ಜೂರ ಕೃಷಿ ಅಥವಾ ತೋಟ ಮಾಡುವವರಿಗೆ ಮತ್ತು ಇರುವ ಖರ್ಜೂರ ಕೃಷಿಯನ್ನು ಇನ್ನೂ ದೊಡ್ಡ ಮಟ್ಟಕ್ಕೆ ವಿಸ್ತರಿಸಲು ಬಯಸುವವರಿಗಾಗಿ ಈ ಕೋರ್ಸ್‌ ವಿನ್ಯಾಸಗೊಳಿಸಲಾಗಿದೆ. ಇಲ್ಲಿ ನೀವು ಖರ್ಜೂರ ಕೃಷಿಯ ಪ್ರತಿಯೊಂದು ಹಂತಗಳನ್ನು ನಮ್ಮ ಪರಿಣಿತ ಮಾರ್ಗದರ್ಶಕ ಚಿಕ್ಕಬಳ್ಳಾಪುರದ ಲಕ್ಷ್ಮೀನಾರಾಯಣಪ್ಪ ಅವರಿಂದ ನೀವು ಕಲಿಯುವಿರಿ. ಇವರು ತಮ್ಮ ಗ್ರಾಮದಲ್ಲಿ ಬರೋಬ್ಬರಿ 84 ಎಕರೆಯಲ್ಲಿ ಖರ್ಜೂರ ತೋಟ ಮಾಡಿದ್ದಾರೆ. ಬಂದ ಇಳುವರಿಯನ್ನು ರಫ್ತು ಕೂಡ ಮಾಡಿದ್ದಾರೆ. ಹೀಗಾಗಿ ಖರ್ಜೂರ ಕೃಷಿಯ ಪ್ರತಿಯೊಂದು ಅಂಶಗಳ ಬಗ್ಗೆಯೂ ಅಪಾರ ಜ್ಞಾನ ಹೊಂದಿದ್ದಾರೆ. 

ಅರಬ್ ದೇಶ ಮತ್ತು ನಮ್ಮ ರಾಜಸ್ತಾನದ  ಮರುಭೂಮಿ ಪ್ರದೇಶಗಳಲ್ಲಿ ಮಾತ್ರ ಖರ್ಜೂರ ಕೃಷಿ ಮಾಡುವುದಕ್ಕೆ ಸಾಧ್ಯ,   ಇನ್ಯಾವ ಪ್ರಾಂತ್ಯದಲ್ಲಿಯೂ ಈ ಬೆಳೆ ಸಾಧ್ಯವಿಲ್ಲ ಅನ್ನೋ ಕಲ್ಪನೆ ಇದುವರೆಗಿನದ್ದಾಗಿತ್ತು. ಆದರೆ ಇದೀಗ ಆಂಧ್ರಪ್ರದೇಶ, ತಮಿಳುನಾಡು, ಕೇರಳ ಮತ್ತು ಕರ್ನಾಟಕದಲ್ಲೂ  ಕರ್ನಾಟಕದಲ್ಲೂ ಖರ್ಜೂರದ ಸುಂದರ ತೋಟಗಳು ಎಲ್ಲರನ್ನು ತನ್ನತ್ತ ಸೆಳೆಯುತ್ತಿದೆ. ಆ ಮೂಲಕ ದಕ್ಷಿಣ ಭಾರತದ ಕೃಷಿ ಭೂಮಿಯಲ್ಲೂ ಖರ್ಜೂರ ಬೆಳೆ ತನ್ನ ಸ್ಥಾನವನ್ನು ಅಲಂಕರಿಸಿದೆ. ಹೀಗಾಗಿ ನಮ್ಮ ರೈತರಿಗೂ ಖರ್ಜೂರ ಕೃಷಿಯನ್ನು ಕಲಿಸಿಕೊಡಬೇಕು ಅನ್ನುವುದೇ ಈ ಕೋರ್ಸ್‌ ಉದ್ದೇಶ.

ಈ ಕೋರ್ಸ್ ಖರ್ಜೂರ ಕೃಷಿ ಸಂಬಂಧಿಸಿದ ಹಲವಾರು ವಿಷಯಗಳನ್ನು ಒಳಗೊಂಡಿದೆ. ಖರ್ಜೂರ ಕೃಷಿಗೆ ಅಗತ್ಯ ಹವಾಮಾನ ಮತ್ತು ಮಣ್ಣು,  ಖರ್ಜೂರದ ಪ್ರಬೇಧಗಳು ಮತ್ತು ದಕ್ಷಿಣ ಭಾರತಕ್ಕೆ ಸೂಕ್ತವಾದ ಪ್ರಬೇಧಗಳು, ಗಿಡಗಳ ನಾಟಿ, ನೀರಾವರಿ ಮತ್ತು ಗೊಬ್ಬರ  ಕೈಯಿಂದ ಪರಾಗಸ್ಪರ್ಶ ಮಾಡುವ ಪ್ರಕ್ರಿಯೆ, ಖರ್ಜೂರ ಹಣ್ಣುಗಳ ಕಟಾವು, ಕಟಾವು ನಂತರದ ನಿರ್ವಹಣೆ ಮತ್ತು ಸಂಗ್ರಹಣೆ, ಖರ್ಜೂರ ಕೃಷಿಯಲ್ಲಿ ಕಾಣಿಸಿಕೊಳ್ಳುವ ಕೀಟ ಮತ್ತು ರೋಗಗಳ ನಿರ್ವಹಣೆ ಬಗ್ಗೆ ಈ ಕೋರ್ಸ್‌ ನಲ್ಲಿ ಆಳವಾಗಿ ಮತ್ತು ಸ್ಪಷ್ಟವಾಗಿ ಕಲಿಯುತ್ತೀರಿ. 

ಇಷ್ಟು ಮಾತ್ರ ಅಲ್ಲದೆ, ಖರ್ಜೂರ ಹಣ್ಣುಗಳ  ಮಾರ್ಕೆಟಿಂಗ್ ಮತ್ತು ಮಾರುಕಟ್ಟೆ, ಖರ್ಜೂರ ಕೃಷಿಯ ವೆಚ್ಚ ಆದಾಯ ಮತ್ತು ಲಾಭಗಳ ಲೆಕ್ಕಾಚಾರದ ಬಗ್ಗೆಯೂ ಈ ಕೋರ್ಸ್‌ನಲ್ಲಿ ವಿವರವಾದ ಮಾಹಿತಿ ಇದೆ. ಅಂತಿಮವಾಗಿ  ನಿಮ್ಮೂರಿನಲ್ಲಿ ಖರ್ಜೂರ ತೋಟ ಮಾಡಿ  ಯಶಸ್ವಿಯಾಗಲು ಅಗತ್ಯವಿರುವ ಎಲ್ಲಾ ಕೌಶಲ್ಯಗಳ, ತರಬೇತಿಗಳನ್ನು  ಒದಗಿಸಿ ಈ ಕೋರ್ಸ್ ನಿಮ್ಮನ್ನು ಸಂಪೂರ್ಣ  ಸಜ್ಜುಗೊಳಿಸುತ್ತದೆ. ಹಾಗಾಗಿ ಈಗಲೇ  ಕೋರ್ಸ್‌ ಖರೀದಿಸಿ ಈ ಪ್ರಯಾಣದಲ್ಲಿ ನಮ್ಮೊಂದಿಗೆ ಸೇರಿಕೊಳ್ಳಿ ಮತ್ತು ಖರ್ಜೂರ ತೋಟ ಮಾಡುವ ನಿಮ್ಮ ಕನಸನ್ನು ನನಸು ಮಾಡಿಕೊಳ್ಳಿ, ಯಶಸ್ಸಿನ ಹಾದಿಯಲ್ಲಿ ಹೆಜ್ಜೆ ಹಾಕಿ!