ಫೋಟೋ ಸ್ಟುಡಿಯೋ ಬಿಸಿನೆಸ್ ಆರಂಭಿಸಿ , ತಿಂಗಳಿಗೆ 6-8 ಲಕ್ಷದವರೆಗೆ ಗಳಿಸಿ!

ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ಫೋಟೋ ಸ್ಟುಡಿಯೋ ವಿಷ್ಯದಲ್ಲಿ ಬಹುಶಃ ಇವ್ರ ಹೆಸ್ರನ್ನ ಕೇಳದವ್ರಿಲ್ಲ... 4 ದಶಕಗಳಿಂದ ಫೋಟೋ ಸ್ಟುಡಿಯೋ ಬಿಸಿನೆಸ್ ನಲ್ಲಿ ಇವ್ರು ಸಾಕಷ್ಟು ಹೆಸರುಗಳಿಸಿದ್ದಾರೆ. ರಮೇಶ್, ಬಿಎಸ್ಸಿ ಪದವಿಯಲ್ಲಿರುವಾಗ ತಮ್ಮ ತಂದೆಯ ಕ್ಯಾಮೆರಾದಿಂದ ತೆಗೆದ ಒಂದು ಫೋಟೋ ಭಾರೀ ಸದ್ದು ಮಾಡಿತ್ತು...ಅಲ್ಲಿಂದ ಆರಂಭವಾದ ಇವ್ರ ಫೋಟೋ ಸ್ಟುಡಿಯೋ ಜರ್ನಿಗೆ ಯಾವ್ದೇ ಬ್ರೇಕ್ ಬಿದ್ದಿಲ್ಲ. ತಾವಿದ್ದ ಮನೆಯನ್ನೇ ಸ್ಟುಡಿಯೋ ಆಗಿ ಪರಿವರ್ತಿಸಿ ಈ ಬಿಸಿನೆೆಸ್ ಆರಂಭಿಸಿದ್ದ ಇವ್ರು ಬಿಸಿನೆಸ್ ಜರ್ನಿಗೆ, ಬರೋಬ್ಬರಿ 40 ವರ್ಷ ತುಂಬಿದೆ.ಹೆಮ್ಮೆಯ ವಿಚಾರವೇನೆಂದ್ರೆ, ಮೈಸೂರಿನ ರಾಜವಂಶಸ್ಥರ ಫೋಟೋ, ವಿಡಿಯೋಗಳು ಕೂಡಾ ಇವ್ರ ಕ್ಯಾಮೆರಾದಲ್ಲೇ ಸೆರೆಯಾಗ್ತಿವೆ. ಅಷ್ಟೇ ಅಲ್ಲ...ರಾಜಕಾರಣಿಗಳು,ಸೆಲೆಬ್ರೆಟಿಗಳು ಕೂಡಾ ಇವ್ರ ಕಸ್ಟಮರ್ಸ್ ಲಿಸ್ಟ್ ನಲ್ಲಿದ್ದಾರೆ. ಇವ್ರ ಬಳಿ ಕೆಲಸ ಮಾಡಿದ ಅದೆಷ್ಟೋ ಮಂದಿ ಇಂದು ತಮ್ಮದೇ ಸ್ಟುಡಿಯೋ ಆರಂಭಿಸಿದ್ದಾರೆ. ಹೀಗೆ ರಮೇಶ್ ಅವರ ಸಾಧನೆಗೆ ಹಲವರಿಗೆ ಸ್ಫೂರ್ತಿಯಾಗಿದೆ.