ಅರಣ್ಯ ಕೃಷಿಯಲ್ಲಿ ಕೋಟಿಗಟ್ಟಲೆ ಸಂಪಾದಿಸಿ!

ಡಾ. ವೆಂಕಟ ರಾಮಾಂಜನೇಯ ಸ್ವಾಮಿ ಎನ್‌ ಎಸ್‌ , ಹಿರಿಯ ಪ್ರಗತಿ ಪರ ಸಾಧಕ ರೈತ. ಹುಟ್ಟಿದ್ದು ದಾವಣಗೆರೆಯ ಸತ್ಯನಾರಾಯಣ ಪಾಳ್ಯದಲ್ಲಿ. ಓದಿದ್ದು ಬರೀ ಎಸ್​​ಎಸ್​​ಎಲ್​ಸಿ ಅದು ಕೂಡ ಅನುತ್ತೀರ್ಣ. ಆದರೆ ಕೃಷಿ ಸಾಧನೆ ವಿಚಾರಕ್ಕೆ ಬಂದ್ರೆ ಯಾರೂ ಊಹಿಸದ ಅತ್ಯದ್ಭುತ ಅಚ್ಚರಿ ಸೃಷ್ಟಿಸಿದ ರೈತ ಇವರು. ದಾವಣಗೆರೆಯಂತ ಮಧ್ಯ ಕರ್ನಾಟಕ ಭಾಗದಲ್ಲಿ ಆಗುಂಬೆಯಂತ ಕಾಡು ತೋಟ ಸೃಷ್ಟಿಸಿದ್ದಾರೆ. ದಕ್ಷಿಣ ಭಾರತದಲ್ಲೇ ಮೊಟ್ಟ ಮೊದಲ ಬಾರಿಗೆ ಮಹಾಗನಿ ಬೆಳೆದ ಕೃಷಿಕ ಇವರು. ಅಷ್ಟೇ ಯಾಕೆ ತನ್ನ ಕೃಷಿ ಸಾಧನೆ ಮೂಲಕ ರಾಜ್ಯ, ರಾಷ್ಟ್ರ ಮತ್ತು ಅಂತಾರಾಷ್ಟ್ರೀಯ ಮಟ್ಟದ ಪ್ರಶಸ್ತಿಯನ್ನ ಮುಡಿಗೇರಿಸಿಕೊಂಡವರಿವರು. ಅದೆಲ್ಲಕ್ಕೂ ಮಿಗಿಲಾಗಿ ಎಸ್​​ಎಸ್​​ಎಲ್​ಸಿ ಫೇಲ್ ಆಗಿದ್ದರು ಕೂಡ ಕೃಷಿ ಕ್ಷೇತ್ರದಲ್ಲಿ ಗೌರವ ಡಾಕ್ಟರೇಟ್ ಪಡೆದ ಈ ನಾಡಿನ ಏಕೈಕ ಹೆಮ್ಮೆಯ ಸಾಧಕ. ಅಂದಹಾಗೆ ವೆಂಕಟರಾಮಾಂಜನೇಯ ಸ್ವಾಮಿ ಒಮ್ಮಿಂದೊಮ್ಮೆಗೆ ಕೃಷಿಯಲ್ಲಿ ಗೆದ್ದವರಲ್ಲ, ಯುವ ವಯಸ್ಸಿನಲ್ಲೇ ಕೃಷಿ ಕ್ಷೇತ್ರಕ್ಕೆ ಕಾಲಿಟ್ಟವರು. ತಂದೆಯ ಅಕಾಲಿಕ ಮರಣದ ಪರಿಣಾಮ ಓದಿನ ಕಡೆಗೆ ಗಮನ ಹರಿಸಲಾಗದೆ ಕೃಷಿ ಆರಂಭಿಸಿದರು. ಎಲ್ಲರಿಗಿತಂತ ಹೆಚ್ಚು ಬೆಳಿಯಬೇಕು ಅನ್ನೋ ಛಲದಲ್ಲಿ ಭೂಮಿಗೆ ಯತೇಚ್ಛವಾಗಿ ಕೆಮಿಕಲ್ ಸುರಿದು ನಷ್ಟವನ್ನಪ್ಪಿಕೊಂಡವರಿವರು. ತದನಂತರ ತಪ್ಪಿನ ಅರಿವಾಗಿ ಕೃಷಿ ಪದ್ಧತಿ ಬದಲಿಸಿಕೊಂಡು ನೈಸರ್ಗಿಕ ಕೃಷಿ ಮೂಲಕ ಗೆಲ್ತಾ ಬಂದರು. ಇಂದು ನೈಸರ್ಗಿಕ ಕೃಷಿ ಮೂಲಕ ತನ್ನದೇ ಕೃಷಿಕೋಟೆಯಲ್

ದಯಾನಂದ್​​ ಆರ್​.ಎ, ಯಶಸ್ವಿ ಹಿರಿಯ ಪ್ರಗತಿಪರ ಕೃಷಿಕ. ಹುಟ್ಟಿದ್ದು ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರೆ ತಾಲೂಕಿನ ದೇವರ ಮರಕುಂಟೆ ಅನ್ನೋ ಗ್ರಾಮದಲ್ಲಿ.ಡಿಗ್ರಿ ಮುಗಿಸಿದ ನಂತರ ಉದ್ಯೋಗ ಅರಸಿ ಬೆಂಗಳೂರಿಗೆ ಬಂದ ಇವರಿಗೆ ಸಬ್​ ಇನ್ಸ್ಪೆಕ್ಟರ್​ ಆಗೋ ಕನಸಿತ್ತು. ಆದರೂ ಅನಿವಾರ್ಯ ಕಾರಣದಿಂದ ಜೀವನೋಪಾಯಕ್ಕಾಗಿ ತಾಜ್ ವೆಸ್ಟೆಂಡ್ ಹೋಟೆಲ್​ನಲ್ಲಿ ಸೆಕ್ಯೂರಿಟಿ ಗಾರ್ಡ್​ ಆಗಿ ಕೆಲಸ ಮಾಡ್ತಿದ್ದ್ದರು.ಜಿಮ್ನಾಸ್ಟಿಕ್ ಪ್ಲೇಯರ್ ಆಗಿದ್ದರೂ ಕೂಡ ಪೊಲೀಸ್ ಕೆಲಸ ಸಿಗಲಿಲ್ಲ. ಒಂದು ದಿನ ತೋಟಗಾರಿಕೆ ಮೇಳ ನಡೆಯುತ್ತಿದ್ದದ್ದು ನೋಡಿ ಕುತೂಹಲದಿಂದ ಅಲ್ಲಿಗೆ ಹೋಗಿದ್ರು ಇದು ಇವರ ಬದುಕಿನ ದಿಕ್ಕನ್ನೇ ಬದಲಿಸಿತು. ಕೃಷಿ ಭೂಮಿ ಮಹತ್ವ ಅರಿತ ಇವರು ಒಂದು ಕ್ಷಣವೂ ವ್ಯರ್ಥ ಮಾಡದೆ ಸೀದಾ ಬೆಂಗಳೂರಿನಿಂದ ಊರಿನ ಬಸ್ಸನ್ನೇರಿದ್ದರು. ಹೇಳಿ ಕೇಳಿ ಅದು ರಣ ಬಿಸಿಲು ತಾಂಡವವಾಡುವ ಪ್ರದೇಶ. ಊರಿನಲ್ಲಿ ಕೃಷಿ ಮಾಡ್ತೀನಿ ಅಂದಾಗ ದಯಾನಂದ್‌ ಅವರನ್ನು ಒಂದಷ್ಟು ಜನ ಬೈದಿದ್ದು ಇದೆ. ಆದ್ರೆ ದೃಢ ಸಂಕಲ್ಪ ಮಾಡಿದ್ದ ದಯಾನಂದ್​​ ಹಿಂದೇಟು ಹಾಕದೆ ಕೃಷಿ ಬಗ್ಗೆ ಆಳವಾಗಿ ಅರಿತು ಬೆಂಗಾಡಿನಲ್ಲಿ ಅದ್ಭುತ ತೋಟ ಮಾಡಿ ಈ ಪ್ರದೇಶದಲ್ಲೂ ಇಂಥ ತೋಟ ಮಾಡಬಹುದಾ ಅನ್ನೋ ಅಚ್ಚರಿ ಸೃಷ್ಟಿಸಿದ್ದಾರೆ. ಒಂದೇ ಭೂಮಿಯಲ್ಲಿ ಅರಣ್ಯ ಕೃಷಿ, ಹಣ್ಣಿನ ಕೃಷಿ, ತರಕಾರಿ ಕೃಷಿ, ನಾಟಿ ಕೋಳಿ ಸಾಕಣೆ, ಕುರಿ- ಮೇಕೆ ಸಾಕಣೆ ಎಲ್ಲವೂ ಸೇರಿ ಸಮಗ್ರ ಕೃಷಿ ಮಾಡಿ ಅನೇಕ ಪ್ರಶಸ್ತಿ ಪಡೆದುಕೊಂಡಿದ್ದಾರೆ.

ವಿಶು ಕುಮಾರ್, ಗಂಧದ ಗುಡಿಯ ಶ್ರೀಗಂಧದ ಕೃಷಿಕ. ಚಿಕ್ಕಮಗಳೂರು ಜಿಲ್ಲೆಯ ತರಿಕೆರೆಯವರು. ವಿದ್ಯಾಭ್ಯಾಸದ ನಂತ್ರ ಬಿಸಿನೆಸ್ ಕಡೆಗೆ ಹೆಜ್ಜೆ ಹಾಕಿದರು. ಉದ್ಯಮ ಕೂಡ ಕೈಹಿಡಿದು ಶ್ರೀಮಂತಿಕೆ ತಂದುಕೊಡ್ತು. ನಂತರ ವಿಶು ಕುಮಾರ್ ಅವ್ರು ಶ್ರೀಗಂಧ ಕೃಷಿಯತ್ತ ಆಕರ್ಷಿತರಾದ್ರು. ಆ ಒಂದು ಆಕರ್ಷಣೆ ಇಂದು ಶ್ರೀಗಂಧ ಕೃಷಿಯಲ್ಲಿ ದೊಡ್ಡ ಸಾಧನೆ ಮತ್ತು ಕೋಟಿ ಹಣ ಸಂಪಾದಿಸುವಂತೆ ಮಾಡಿದೆ. ಬರೋಬ್ಬರಿ 45 ಎಕರೆಯಲ್ಲಿ ಶ್ರೀಗಂಧದ ಕೃಷಿ ಮಾಡಿ ಕೋಟಿ ಕೋಟಿ ಆದಾಯ ಗಳಿಸುತ್ತಿದ್ದಾರೆ. ವಿಶು ಕುಮಾರ್, ತನ್ನ ಭೂಮಿಯಷ್ಟೇ ಅಲ್ಲದೆ ಮಧ್ಯ ಪ್ರದೇಶ ಹಾಗೂ ಆಫ್ರಿಕಾದಲ್ಲಿಯೂ ಶ್ರೀಗಂಧದ ಕೃಷಿ ಮಾಡಿ ಕರುನಾಡ ಗಂಧದ ಕಂಪನ್ನು ಹೊರ ದೇಶಗಳಲ್ಲಿಯೂ ಬಿತ್ತಿ ಸಾಕಷ್ಟು ಪ್ರಸಿದ್ಧರಾಗಿದ್ದಾರೆ. ಅಷ್ಟೇ ಅಲ್ಲ ಹಲವರ ಜಮೀನಿನಲ್ಲಿಯೂ ಕಾಂಟ್ರಾಕ್ಟ್ ಆಧಾರದಲ್ಲಿ ಶ್ರೀಗಂಧ ಬೆಳೆಯುತ್ತಿದ್ದಾರೆ. ಶ್ರೀಗಂಧದ ಜೊತೆ ಸಪೋಟ, ಮಾವು, ತೆಂಗು, ಹಲಸು, ನೆಲ್ಲಿಕಾಯಿ ಮತ್ತು ಅಡಿಕೆ ಕೃಷಿಯಲ್ಲೂ ಇವ್ರು ಎಕ್ಸ್ ಪರ್ಟ್ ಆಗಿದ್ದಾರೆ. ಸಾಧಕ ವಿಶು ಕುಮಾರ್ ಅವ್ರ ಸಾಧನೆಗೆ ಹಲವಾರು ಪ್ರಶಸ್ತಿ, ಪುರಸ್ಕಾರಗಳು ಇವ್ರನ್ನ ಅರಸಿ ಬಂದಿದೆ. ಇವ್ರ ಸಾಧನೆಯನ್ನ ಗುರುತಿಸಿದ ರಾಜ್ಯಸರ್ಕಾರ, ರಾಜ್ಯೋತ್ಸವ ಪ್ರಶಸ್ತಿಯನ್ನು ನೀಡಿ ಗೌರವಿಸಿದೆ. ಅಲ್ಲದೆ ಸಾಲುಮರದ ತಿಮ್ಮಕ್ಕ ಅಂತರಾಷ್ಟ್ರೀಯ ಹಸಿರು ಪ್ರಶಸ್ತಿ ಕೂಡಾ ಇವರಿಗೆ ದೊರೆತಿದೆ.