ഡോർസെറ്റ് ഗോൾഡൻ ആപ്പിൾ ഫാമിംഗ്: ഒരേക്കറിൽ നിന്നും 6 ലക്ഷം സമ്പാദിക്കുക

ഫ്രീഡം ആപ്പിൻ്റെ 'ഡോർസെറ്റ് ഗോൾഡൻ ആപ്പിൾ ഫാമിംഗ്: ഒരേക്കറിൽ നിന്നും 6ലക്ഷം സമ്പാദിക്കുക' എന്ന കോഴ്‌സിലേക്ക് സ്വാഗതം. കേരളത്തിലെ താരതമ്യേന ചൂടുള്ള കാലാവസ്ഥയിൽ പോലും ആപ്പിൾ കൃഷി വിജയകരമായി ചെയ്ത് വലിയ ലാഭം നേടുന്നതെങ്ങനെ എന്ന് ഈ കോഴ്‌സിലൂടെ നിങ്ങൾക്ക് പഠിക്കാനാകും.  ഇടുക്കി കട്ടപ്പനയിലെ മിറാക്കിൽ ഫാം ഉടമ ബിജുമോൻ കെ ആന്റണിയാണ് ഈ കോഴ്‌സിലെ നിങ്ങളുടെ മെന്റർ. ആപ്പിൾ കൃഷിയിൽ വർഷങ്ങളുടെ അനുഭവ സമ്പത്തുള്ള വ്യക്തിയാണ് ബിജുമോൻ.  

കേരളത്തിലെ കാലാവസ്ഥയിൽ ആപ്പിൾ പോലെ തണുത്ത പ്രദേശങ്ങളിൽ വളരുന്ന ഒരു പഴം കൃഷി ചെയ്ത് വിജയിപ്പിക്കാനാകുമോ എന്ന് പലർക്കും സംശയം തോന്നിയേക്കാം. എന്നാൽ അതിനുള്ള ഉത്തരമാണ് ഈ കോഴ്‌സിലൂടെ നിങ്ങൾക്ക് ലഭിക്കുന്നത്. തണുത്ത പ്രദേശങ്ങളിലും ചൂടുള്ള കാലാവസ്ഥയുള്ള പ്രദേശങ്ങളിലും ആപ്പിൾ വളരുന്നതെങ്ങനെ എന്ന് ഈ കോഴ്‌സിൽ വിശദമായി പഠിപ്പിക്കുന്നുണ്ട്. 365 ദിവസവും ആപ്പിൾ പഴങ്ങൾ വിളഞ്ഞ് നിൽക്കുന്ന ഫാർമാണ് ബിജുമോന്റേത്. അതിനാൽ തന്നെ പ്രാക്ടിക്കൽ ക്ളാസുകൾ ഉൾപ്പടെ ഈ കോഴ്‌സിൽ ഉൾപ്പെടുത്തിയിട്ടുണ്ട്. ഡോർസെറ്റ് ഗോൾഡൻ ആപ്പിളിന് പുറമെ 25ഓളം വ്യത്യസ്ത തരം ആപ്പിൾ ഇനങ്ങളും ഈ ഫാർമിൽ കൃഷി ചെയ്യുന്നുണ്ട്.

ആപ്പിൾ ഇനങ്ങളും ചെടികളുടെ തിരഞ്ഞെടുപ്പും, കൃഷിക്കാവശ്യമായ കാലാവസ്ഥയും മണ്ണിനങ്ങളും, ഭൂമി ഒരുക്കലും നടീൽ വിദ്യകളും, ജലസേചനം, കീട-രോഗ പരിപാലനം, വിളവെടുപ്പ്, സംഭരണം, മാർക്കറ്റിങ്ങിനും വില്പനയ്ക്കുമുള്ള വിദഗ്ധ രീതികൾ തുടങ്ങി ആപ്പിൾ കൃഷി വ്യാവസായിക അടിസ്ഥാനത്തിൽ ചെയ്യുന്നതിനെ കുറിച്ചുള്ള മുഴുവൻ വിവരങ്ങളും ഈ കോഴ്‌സിൽ ഉൾപ്പെടുത്തിയിട്ടുണ്ട്. കൂടാതെ പ്രൂണിങ്, ഗ്രാഫ്റ്റിങ്, പ്ലാന്റിങ് എന്നിവയുടെ പ്രാക്ടിക്കൽ സെഷനുകളും കോഴ്‌സിലുണ്ട്. അതിനാൽ തന്നെ വിജയകരമായി ആപ്പിൾ കൃഷി ചെയ്ത് ലക്ഷങ്ങളുടെ വരുമാനം നേടുന്നതെങ്ങനെ എന്ന് ഈ കോഴ്സ് മുഴുവനായി കാണുന്നതിലൂടെ നിങ്ങൾക്ക് മനസ്സിലാക്കാനാകും.