Balakrishna

ಬಾಲಕೃಷ್ಣ, ಮೂಲತಃ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ನೆಲಮಂಗಲದವರು, ಯಶಸ್ವಿ ಸಮಗ್ರ ಕೃಷಿಕರು, ಸಮಗ್ರ ಕೃಷಿ ಜತೆಗೆ ರೇಷ್ಮೆ ಕೃಷಿಯಲ್ಲಿ ಎಕ್ಸ್‌ಪರ್ಟ್‌.. ಓದಿನ ನಂತರ ಕೃಷಿ ಮಾಡಿ ಬದುಕು ಕಟ್ಟಿಕೊಳ್ಳಬೇಕು ಎಂಬ ಕನಸು ಹೊಂದಿದ್ದ ಬಾಲಕೃಷ್ಣ ಅವರು ಅದಕ್ಕಾಗಿ ಆಯ್ಕೆ ಮಾಡಿಕೊಂಡಿದ್ದು ರೇಷ್ಮೆ ಕೃಷಿ.. 2018ರಲ್ಲಿ ತಮ್ಮ 5 ಎಕರೆ ಕೃಷಿ ಭೂಮಿಯಲ್ಲಿ 15 ಲಕ್ಷ ಬಂಡವಾಳ ಹಾಕಿ ರೇಷ್ಮೆ ಪ್ರಾರಂಭ ಮಾಡಿದ್ದರು. ಕೈ ಹಿಡಿದ ಬೆಳೆ ವರ್ಷಕ್ಕೆ ಎಂಟರಿಂದ ಒಂಬತ್ತು ಸಲ ಗೂಡು ಮಾರಾಟ ಮಾಡುವಂತೆ ಮಾಡಿದೆ. ಪ್ರತೀ ವರ್ಷ 18ರಿಂದ 20 ಲಕ್ಷ ಆದಾಯ ಪಡೆಯುತ್ತಿದ್ದಾರೆ. ಇದರ ಜೊತೆಗೆ 3 ಎಕರೆಯಲ್ಲಿ ಬಾಳೆ, ಅಡಿಕೆ ಮತ್ತು ತೆಂಗನ್ನು ಬೆಳೆಯುತ್ತಿರುವ ಬಾಲಕೃಷ್ಣರವರು ಬಾಳೆಯಿಂದ ವರ್ಷಕ್ಕೆ 4-5 ಲಕ್ಷ ಆದಾಯ, ಅಡಿಕೆ ಮತ್ತು ತೆಂಗಿನಿಂದ ವರ್ಷಕ್ಕೆ ತಲಾ 1.5ಲಕ್ಷ ದಷ್ಟು ಆದಾಯವನ್ನು ಗಳಿಸುತ್ತಿದ್ದಾರೆ. ಇವರ ಕೃಷಿ ಸಾಧನೆಗೆ ಕೆಂಪೆಗೌಡ ಪ್ರಶಸ್ತಿ ಮತ್ತು ಸಮಗ್ರ ಕೃಷಿ ಪ್ರಶಸ್ತಿ ಬಂದಿದೆ.