Lenu Peter

വൈവിധ്യമാർന്ന ജീവജാലങ്ങളുടെയും വിളകളുടെയും ഫാം ഒരുക്കി ജനശ്രദ്ധനേടിയ കർഷകനാണ് ശ്രീ ലെനു പീറ്റർ. കനേഡിയൻ പിഗ്മി, ടർക്കി കോഴി, ഗിനി കോഴി, ഫ്ലയിങ് ഡക്ക്, പോര് കോഴി, നാടൻ കോഴികൾ തുടങ്ങി വ്യത്യസ്തവും വിവിധങ്ങളുമായ നിരവധി ഇനങ്ങൾ ലെനുവിന്റെ ഫാർമിലുണ്ട്. ഇടുക്കി ജില്ലയിലെ കുട്ടിക്കാനത്താണ് അദ്ധ്യാപകനായ ലെനു പീറ്റർ തന്റെ ഫാം വിജയകരമായി നടത്തുന്നത്. 12 വർഷം മുൻപ് 3ജോടി കനേഡിയൻ പിഗ്മി ആടുകളുമായാണ് ലെനു തന്റെ ഫാം ആരംഭിച്ചത്. ഇപ്പോൾ എണ്ണത്തിൽ വളരെ അധികമുള്ള കനേഡിയൻ പിഗ്മി ആടുകൾ തന്നെയാണ് ലെനുവിന്റെ ഫാർമിലെ പ്രധാന ആകർഷണവും. ആടുകൾ ഉൾപ്പടെ എല്ലാ ഇനങ്ങളെയും വളർത്തി വില്പന നടത്തുന്നതാണ് പ്രധാന വരുമാന മാർഗ്ഗം. ലെനുവിന്റെ ഫാർമിൽ വളർത്തുമൃഗങ്ങൾക്ക് പുറമെ തായ്‌ലന്റ് - ബ്രസീലിയൻ ഇഞ്ചി, ലെമൺ വൈൻ, ഇസ്രായേൽ അത്തി തുടങ്ങിയ നിരവധി ഇനത്തിൽ ഉൾപ്പെട്ട വിളകളും ഉണ്ട്. നിങ്ങൾക്കും വൈവിധ്യമാർന്ന ഇത്തരം രീതിയിലുള്ള ഫാം ആരംഭിച്ച് വിജയകരമായി നടത്താൻ താൽപ്പര്യമുണ്ടെങ്കിൽ ലെനു പീറ്ററുമായി ഒരു വീഡിയോ കോളിലൂടെ ബന്ധപ്പെടുക. ജീവിത വിജയത്തിനുള്ള വഴികൾ അദ്ദേഹത്തിൽ നിന്ന് കണ്ടെത്തൂ.