Rajitha Mahesh

പ്രശസ്തയായ മോഹിനിയാട്ട നർത്തകിയും അധ്യാപികയുമാണ് കലാമണ്ഡലം ശ്രീമതി രജിത മഹേഷ്. തിരുവനന്തപുരത്തെ മോഹിനിയാട്ട മഹാവിദ്യ എന്ന രജിത മഹേഷിന്റെ നൃത്ത വിദ്യയാലയം ഏറെ പ്രശസ്തമായ ഒന്നാണ്. മോഹിനിയാട്ടത്തിന് പ്രാധാന്യം കൊടുത്തതുകൊണ്ട് പൂർണ്ണമായും മോഹിനിയാട്ടത്തിനായി ആരംഭിച്ചതാണ് മോഹിനിയാട്ട മഹാവിദ്യ എന്ന നൃത്ത അക്കാദമി. പാലക്കാട് സ്വദേശിനിയായ ശ്രീമതി രജിത കലാമണ്ഡലത്തിലാണ് തന്റെ നൃത്തപഠനം പൂർത്തിയാക്കിയത്. പിന്നീട് വിവാഹശേഷം കുടുംബത്തോടൊപ്പം തിരുവനന്തപുരത്തെത്തുകയും നൃത്ത അധ്യാപനം ആരംഭിക്കുകയും ചെയ്തു. കലയോടുള്ള അടങ്ങാത്ത അഭിനിവേശവും നൃത്തത്തിലുള്ള ആഴത്തിലുള്ള അറിവും രജിതയെ വളരെ ചുരുങ്ങിയ കാലം കൊണ്ട് തന്നെ തിരുവനന്തപുരത്തെ ഏറ്റവും തിരക്കുള്ളതും പ്രശസ്തയുമായ അധ്യാപികയാക്കി മാറ്റി. ഓൺലൈൻ ആയും നേരിട്ടും വിവിധ പ്രായത്തിലുള്ള നൂറുകണക്കിന് വിദ്യാർത്ഥികൾ ഇന്ന് ശ്രീമതി രജിതയ്ക്കുണ്ട്. കലാമണ്ഡലം മഹേഷ് പരമേശ്വരൻ എന്ന കഥകളി കലാകാരനാണ് ശ്രീമതി രജിതയുടെ ഭർത്താവ്.