ప్రధాన మంత్రి సూర్య ఘర్ పథకం కోర్సు

నమస్కారం! "PM సూర్యఘర్ పథకం: మీ ఇంటికి ఉచిత విద్యుత్‌ని పొందండి" అనే కోర్సుకు మీకు స్వాగతం. ఈ కోర్సు ద్వారా మీరు మీ ఇంటికి ఉచిత విద్యుత్‌ని ఎలా పొందాలో మరియు PM సూర్యఘర్ పథకం నుండి డబ్బును ఎలా సంపాదించుకోవచ్చు అనే అంశాలను ఇక్కడ తెలుసుకుంటారు.

ప్రధానమంత్రి సూర్యఘర్ పథకం అనేది కేంద్ర ప్రభుత్వం ప్రవేశపెట్టిన ఒక ముఖ్యమైన పథకం. ఇంటి పైకప్పు మీద సోలార్‌ ప్యానల్ అమర్చడం ద్వారా ఇంటికి కావలసిన విద్యుత్‌ను ఈ పథకం ద్వారా ఉచితంగా పొందవచ్చు. పునరుత్పాదక ఇంధన వినియోగాన్ని పెంచడం, విద్యుత్ బిల్లులను తగ్గించడం ద్వారా పేద మరియు మధ్యతరగతి ప్రజలకు సహాయం చేయడం, అలాగే గ్రామీణ ప్రాంతాల్లో విద్యుద్దీకరణను పెంచడం ఈ పథకం యొక్క ప్రధాన లక్ష్యాలు.

ఈ పథకం కింద, అర్హులైన లబ్ధిదారులు తమ ఇంటి పైకప్పుపై సోలార్ ప్యానెల్స్‌ను అమర్చుకోవడానికి కేంద్ర ప్రభుత్వం నుండి సబ్సిడీ పొందవచ్చు అలాగే, తక్కువ వడ్డీ రేటుకే రుణ సహాయం కూడా లభిస్తుంది. ఈ పథకం కింద ఒక్కసారి సోలార్‌ యూనిట్‌ పెట్టుకుంటే 25 ఏళ్ల పాటు విద్యుత్‌ బిల్లు చెల్లించాల్సిన అవసరం లేదు. దీనివల్ల ఒక్కో ఇంటికి ఏడాదికి ₹15,000 నుండి ₹18,000 వరకు విద్యుత్ బిల్లు ఆదా అవుతుందని అంచనా. అలాగే మీరు ఉపయోగించిన తరువాత మిగిలిన విద్యుత్‌ను గ్రిడ్​కి అమ్మడం ద్వారా కూడా డబ్బును సంపాదించవచ్చు.

ఈ కోర్సులో మీరు, సోలార్ ఎనర్జీ అంటే ఏమిటి? మీరు PM సూర్యఘర్ పథకం ఎలా పనిచేస్తుంది, ఈ ప్రభుత్వ పథకాన్ని పొందేందుకు ఎవరు అర్హులు, ఎంత పెట్టుబడి కావాలి మరియు సబ్సిడీ ఎంత లభిస్తుంది,ఈ పథకానికి ఎలా దరఖాస్తు చేయాలి, సోలార్ ప్యానెల్‌ల ఇన్‌స్టాలేషన్ మరియు నిర్వహణ, సోలార్ ప్యానెల్‌లను ఇన్‌స్టాల్ చేయడం వల్ల వచ్చే ఆదాయం మరియు ప్రయోజనాల గురించి పూర్తిగా నేర్చుకుంటారు.

ఇన్ని విషయాలను ఒకే కోర్సులో నేర్చుకోవడానికి ఉన్న ఇంత మంచి అవకాశాన్ని ఏమాత్రం ఆలస్యం చేయకండి. ఇప్పుడే ఈ పూర్తి కోర్సును చూడండి, ఈ కేంద్ర ప్రభుత్వ పథకాన్ని సద్వినియోగం చేసుకోండి.