Gadiraju Venkata Subrahmanya Vara Prasadaraj

ప్రపంచంలోని అద్భుతమైన వంటలలో పేపర్ స్వీట్ అని పిలువబడే పూతరేకులు ఒకటి. ఆంధ్ర ప్రదేశ్‌లోని ఆత్రేయపురం పూతరేకులకు మహా ప్రసిద్ధి. పదకొండు ఏళ్లుగా ఈ పూతరేకుల తయారీ వ్యాపారాన్ని విజయవంతంగా నిర్వహిస్తున్నారు గాదిరాజు వెంకట సుబ్రమణ్య వరప్రసాదరాజు. విభిన్న ఆలోచనలతో కొత్త పద్దతుల్లో పూతరేకులు తయారు చేస్తూ అధిక ఆదాయాన్ని పొందుతున్నారు. "ఫికానా ఫుడ్స్" పేరుతో తన పూతరేకులు వ్యాపారం ద్వారా ప్రతీ నెలా లాభాలను పొందడమే కాకుండా, తమ ఉత్పత్తులను ఆన్‌లైన్‌లో విక్రయిస్తారు కూడా. ఈ బిజినెస్ తో పాటు అరటి పండు, పసుపు, కంద, కొబ్బరి పంటల సాగులో కూడా సక్సెస్ అయ్యారు. ఇంటి నుండే వ్యాపారాన్ని ప్రారంభించి, ఎంతోమందికి ఆదర్శంగా నిలుస్తున్నారు.