Malleshappa Gulappa Bisrotti

"ಮಲ್ಲೇಶಪ್ಪ ಗೂಳಪ್ಪ ಬಿಸಿರೊಟ್ಟಿ, ಧಾರಾವಾಡದ ಹಿರೇಗುಂಜಾಲ್ನವರು. ಕಳೆದ 25 ವರ್ಷಗಳಿಂದ ತಮ್ಮ 20 ಎಕರೆ ಜಾಗದಲ್ಲಿ ಹಾಗು ಬೇರೆ ರೈತರ ಜಾಗವನ್ನು ಲೀಸ್ನಲ್ಲಿ ಪಡೆದು 4 ಎಕರೆಯಲ್ಲಿ ಅಡಿಕೆ, 8 ಎಕರೆಯಲ್ಲಿ ಹಸಿರು ಮೆಣಸಿನಕಾಯಿ, 12 ಎಕರೆಯಲ್ಲಿ ಗುಲಾಬಿ ಹೂವಿನ ಬೆಳೆ, 25 ಬೇವಿನ ಮರ, 100 ಕರಿಬೇವಿನ ಮರ, ಸೀತಾಫಲ ಹಾಗು ನಾನಾತರದ ತರಕಾರಿ ಬೆಳೆಗಳನ್ನ ಬೆಳೆಯುತ್ತಿದ್ದಾರೆ. ಕೇವಲ ಕೃಷಿಯಿಂದಲೇ ವರ್ಷಕ್ಕೆ ಲಾಭವೇ 7 ಲಕ್ಷ ರೂಪಾಯಿ. ಅಷ್ಟೇ ಅಲ್ಲ ಬೆಳೆಗಳಿಗೆ ಬೇಕಾದಂತಹ ಅತ್ಯುತ್ಕ್ರಷ್ಟವಾದ ಎರೆಹುಳ ಗೊಬ್ಬರವನ್ನು ಕೂಡ ತಾವೇ ತಯಾರಿಸುತ್ತಾರೆ. ತಾವು ಬೆಳೆದ ಉತ್ಪನ್ನಗಳನ್ನ ತಮ್ಮದೇ ಆದ “ಮಲ್ಲೇಶಪ್ಪ ಫಾರ್ಮ್”ನ ಮೂಲಕ ಮಾರಾಟ ಮಾಡಿ ರೈತೋದ್ಯಮಿ ಅನ್ನಿಸಿಕೊಂಡಿದ್ದಾರೆ. ಮಲ್ಲೇಶಪದ್ಪನವರ ಕೃಷಿ ಸಾಧನೆಗೆ “ದರತಿ ಮಿತ್ರ” ಅವಾರ್ಡ್, “ ಕೃಷಿ ವಿಜ್ಞಾನಿ”, ವಿಜಯವಾಣಿಯಿಂದ “ ಸೂಪರ್ಸ್ಟಾರ್ ಕೃಷಿ ಉದ್ಯಮಿ “ ಅವಾರ್ಡ್ಗಳನ್ನು ಪಡೆದುಕೊಂಡಿದ್ದಾರೆ. ನೀವು ಸಮಗ್ರ ಕೃಷಿ ಮಾಡಬೇಕು, ಹಣ್ಣು, ತರಕಾರಿ ಬೆಳೆಗಳನ್ನ ಬೆಳೆಯಬೇಕು, ಸಾವಯವ ಗೊಬ್ಬರವನ್ನ ನೀವೇ ತಯಾರಿಸಬೇಕು, ಹಾಗು ನಿಮ್ಮದೇ ಫಾರ್ಮ್ ಮೂಲಕ ಬೆಳೆದ ಉತ್ಪನ್ನಗಳನ್ನ ಮಾರಾಟ ಮಾಡಬೇಕಂದಲ್ಲಿ ಮಲ್ಲೇಶಪ್ಪ ನಿಮಗೆ ಉತ್ತಮವಾಗಿ ಮಾರ್ಗದರ್ಶನ ಮಾಡುತ್ತಾರೆ.