P D Subbaiah

ಪಿ.ಡಿ ಸುಬ್ಬಯ್ಯ, ಮಡಿಕೇರಿಯ ಹಿರಿಯ ಕಿತ್ತಳೆ ಕೃಷಿಕ. ದೇಶದ ಪ್ರಖ್ಯಾತ ಕೂರ್ಗ್‌ ಕಿತ್ತಳೆ ಉಳಿಸಿ ಬೆಳೆಸಿದ ಸಾಧಕ. ಬೆಳೆದ ಕಿತ್ತಳೆಯನ್ನ ಇಂದು ಕೇರಳದ ವೆಂಡರ್‌ಗಳ ಮೂಲಕ ವಿದೇಶಕ್ಕೆ ರಫ್ತಾಗುವಂತೆ ಮಾಡಿಕೊಂಡಿದ್ದಾರೆ. ಕಿತ್ತಳೆ ಕೃಷಿ ಸಾಧನೆಗಾಗಿ ರಾಜ್ಯಮಟ್ಟದ ಆರೆಂಜ್‌ ಕಿಂಗ್‌ ಪ್ರಶಸ್ತಿನ ಪಡೆದುಕೊಂಡಿದ್ದಾರೆ. 13 ಎಕರೆಯಲ್ಲಿ ಕಿತ್ತಳೆ ಕೃಷಿ ಮಾಡಿದ್ದು ಅಂತರಬೆಳೆ ಪದ್ಧತಿಯಲ್ಲಿ ಎಕರೆಗೆ ನೂರು ಹಾಕಿದ್ದಾರೆ. ಒಂದು ಎಕರೆಯಲ್ಲಿ ನೂರು ಗಿಡದಿಂದ ವರ್ಷಕ್ಕೆ ಕಡಿಮೆ ಅಂದ್ರೂ ಎರಡುವರೆ ಲಕ್ಷ ಆದಾಯ ಪಡೆಯುತ್ತಿದ್ದಾರೆ. ಕಿತ್ತಳೆಯನ್ನ ಕಾಫಿ ಎಸ್ಟೇಟ್‌ನಲ್ಲಿ ಬೆಳೆದಿರುವ ಇವರು ಜತೆಯಲ್ಲಿ ಮರಗಳಿಗೆ ಕಾಳುಮೆಣಸಿನ ಬಳ್ಳಿ ಹಬ್ಬಿಸಿ ಒಂದೇ ಭೂಮಿಯಲ್ಲಿ ಮೂರು ಬೆಳೆಗಳಿಂದ ಮೂರು ರೀತಿಯ ಆದಾಯ ಪಡೆಯುತ್ತಿದ್ದಾರೆ.. ಕೂರ್ಗ್‌ ಕಿತ್ತಳೆ ಸಣ್ಣ ಗಾತ್ರದಲ್ಲಿದ್ದು ಉತ್ತಮ ರುಚಿ ಪಡೆದಿದೆ. ಕೆಲವು ದಶಕಗಳ ಹಿಂದೆ ಇದಕ್ಕೆ ಅಪ್ಪಳಿಸಿದ ವೈರಸ್‌ ಪರಿಣಾಮ ಕೊಡಗಿನಲ್ಲಿ ಅನೇಕ ಕೃಷಿಕರು ಕಿತ್ತಳೆ ಕೃಷಿ ನಿಲ್ಲಿಸಿದ್ರು. ಸುಬ್ಬಯ್ಯ ಮಾತ್ರ ನಿಲ್ಲಿಸದೆ ತಮ್ಮ ನೆಲದ ಹಣ್ಣನ್ನ ಉಳಿಸಿ ಬೆಳೆಸಿದರು. ಪರಿಣಾಮ ಮತ್ತೆ ಕೂರ್ಗ್‌ ಕಿತ್ತಳೆ ಕೃಷಿ ಕೊಡಗಿನಲ್ಲಿ ಸುಧಾರಣೆ ಕಂಡು ಇಂದು ಅನೇಕ ರೈತರಿಗೆ ಅಂತರ ಬೆಳೆಯಲ್ಲೇ ಆದಾಯ ತರ್ತಿದೆ. ಕೇರಳದಿಂದ ಕೊಡಗಿನ ತೋಟಕ್ಕೆ ಬರುವ ವರ್ತಕರು ಸ್ಥಳದಲ್ಲೇ ಕೊಂಡುಕೊಳ್ಳುತ್ತಾರೆ..