ರಮೇಶ್‌ ಜಿ, ರಾಮನಗರ ಜಿಲ್ಲೆ ಮಾಗಡಿ ತಾಲೂಕಿನ ಅಂಚೆಪಾಳ್ಯದ ಹಿರಿಯ ಪ್ರಗತಿಪರ ಕೃಷಿಕ. ತಮ್ಮ 20 ಎಕರೆ ಜಮೀನಿನಲ್ಲಿ ತರಹೇವಾರಿ ಹಣ್ಣು, ತರಕಾರಿಗಳನ್ನ ಬೆಳೆದು ಉತ್ತಮ ಆದಾಯ ಗಳಿಸುತ್ತಿರುವ ರೈತ. ಅಂದಹಾಗೆ ಈ 20 ಎಕರೆ ಕಲ್ಲು ಬಂಡೆಗಳ ಭೂಮಿ, ಆದರೂ ಇಲ್ಲಿ ಕೃಷಿ ಮಾಡಿ ಗೆದ್ದಿದ್ದಾರೆ. ಇನ್ನೊಂದು ವಿಶೇಷ ಏನಂದ್ರೆ, ಇಂಥ ಭೂಮಿಯಲ್ಲಿ ಶೇ.60ರಷ್ಟು ಸಾವಯವ ಕೃಷಿ ಮಾಡುತ್ತಿದ್ದಾರೆ. ಕಲ್ಲಂಗಡಿ, ಪಪ್ಪಾಯಿ, ಬಟರ್‌ ಫ್ರೂಟ್, ಸಿಹಿ ನಿಂಬೆ, ನಾಗಪುರ ಕಿತ್ತಳೆ, ಸೀತಾಫಲ, ಪೇರಲ, ನಿಂಬೆ ಸೇರಿದಂತೆ ಹತ್ತಾರು ಬಗೆಯ ಹಣ್ಣುಗಳನ್ನು ಬೆಳೆಯುತ್ತಿದ್ದಾರೆ. ಅಲ್ಲದೇ ವಿವಿಧ ತರಕಾರಿ ಬೆಳೆಗಳನ್ನು...