పూతరేకులు బిజినెస్ కోర్సు - నెలకు 50,000/- వరకు సంపాదించండి!

“రుచుల్లోకెల్లా తెలుగు వారి వంట రుచులు వేరయా”

అని చెప్తే అతిశయోక్తి కాదేమో! అందుకే, ఆంధ్రా వంటలకి, కేవలం దక్షిణ రాష్ట్రాల నుంచే కాక, ప్రపంచ వ్యాప్తంగా ఆదరణ ఉంది. అందులో ముఖ్యంగా, ఆవకాయలకి, స్వీట్స్ కు తెలుగు రాష్ట్రాలు పెట్టింది పేరు. సంప్రదాయబద్దంగా చేసే స్వీట్స్ కొన్ని మన తెలుగు పేరును ఖండాంతరాలకు చేర్చే పనిలో ఉన్నాయి, అంటే మన RRR సినిమా లాగా అన్నమాట. ఇలాంటి కోవలోకే వస్తుంది… పూత రేకులు! ఇంతటి జనాదరణ కలిగి ఉండడం వల్లే, పూత రేకుల వల్ల,పశ్చిమ గోదావరిలోని ఆత్రేయ పురం అనే చిన్న పల్లెటూరు కూడా, ఇప్పుడు ప్రపంచంలో పూత రేకులు ఇష్టపడే వారి అందరి నాలుకలపై ఉంటుంది. వీరు గత మూడు వందల ఏళ్ళుగా అక్కడ నుంచి విజయవంతంగా పూతరేకులని అమ్ముతూ ఉన్నారు. అక్కడి ప్రజలు కూడా, ఇప్పటి ప్రజలకు తగ్గట్టు అందులో మార్పులు చేర్పులు చేస్తూ వస్తున్నారు. అంటే, షుగర్ ఫ్రీ పూతరేకులు అయి ఉండవచ్చు లేదా, కారం పూత రేకులు అయి ఉండవచ్చు.