K Surendra

ಕೆ ಸುರೇಂದ್ರ, ಹಿರಿಯ ಪ್ರಗತಿಪರ ಕೃಷಿಕ. ಹುಟ್ಟಿದ್ದು ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ತಾಲೂಕಿನಲ್ಲಿ. ಕೃಷಿ ಪ್ರಗತಿ ಸಾಧಿಸಿದ್ದು ಶ್ರೀನಿವಾಸಪುರ ತಾಲೂಕಿನ ಪುಂಗನೂರು ಕ್ರಾಸ್ ಬಳಿಯ ತಮ್ಮ ಆರು ಎಕರೆ ಭೂಮಿಯಲ್ಲಿ. ಕೃಷಿ ಕುಟುಂಬದಲ್ಲೇ ಹುಟ್ಟಿದ್ರು ಕೂಡ ಇವರು ಬಿಸಿನೆಸ್‌ನಲ್ಲಿ ಇವ್ರು ಹೆಚ್ಚು ತೊಡಗಿಕೊಂಡಿದ್ರು. ಆದ್ರೆ ಕಾಲ ಕ್ರಮೇಣ ಹೈಟೆಕ್ ಕೃಷಿ ಫಾರ್ಮ್ ಮಾಡಿಕೊಂಡು ಅಲ್ಲಿ ಬೆಳೆದ ಉತ್ಪನ್ನಗಳನ್ನು ಅಲ್ಲಿಯೆ ಮಾರಾಟ ಮಾಡುವ ಯೋಚನೆ ಮಾಡಿ ಔಟ್‌ಲೆಟ್ ಕೂಡ ತೆರೆದರು. ಇನ್ನು ತಮ್ಮ ತೋಟದಲ್ಲಿ ಕೆಲ್ಸ ಮಾಡೋ ಕಾರ್ಮಿಕರಿಗೆ ಊಟದ ಸಮಯದಲ್ಲಿ ನೆರಳಿದ್ರೆ ಒಳ್ಳೆದು ಅಂತಾ ಯೋಚನೆ ಮಾಡಿ ಚಪ್ಪರದಂತೆ ಹಬ್ಬುವ ಫ್ಯಾಶನ್ ಫ್ರೂಟ್ ಗಿಡ ತಂದು ಕಾಲುದಾರಿಯಲ್ಲಿ ನಾಟಿ ಮಾಡಿದ್ರು. ಪರಿಣಾಮ ನಡೆಯುವ ಹಾದಿ ನೆರಳಾಯಿತು. ಈ ಹಣ್ಣಿನ ಕೃಷಿಯಿಂದ ಒಂದು ಲಕ್ಷದ ಅರುವತ್ತು ಸಾವಿರ ಆದಾಯ ಬಂತು. ಹೀಗೆ ತಮ್ಮ ಜಮೀನಿನಲ್ಲಿ ಹಣ್ಣಿನ ಕೃಷಿ ಜತೆಗೆ ಅಲ್ಲಿ ಬೆಳೆದ ಹಣ್ಣುಗಳನ್ನು ತಮ್ಮದೇ ಔಟ್ ಲೆಟ್ ನಲ್ಲಿ ಮಾರಾಟ ಮಾಡಿ ಆದಾಯಗಳಿಸೋದ್ರ ಮೂಲಕ ಸುರೇಂದ್ರ ಈಗ ಯಶಸ್ವಿ ರೈತೋದ್ಯಮಿಯಾಗಿದ್ದಾರೆ. ಸಾಕಷ್ಟು ಜನರಿಗೆ ರೈತೋದ್ಯಮಿಯಾಗೋ ಬಗ್ಗೆ ಸಲಹೆ ಸೂಚನೆ ಹಾಗೂ ತರಬೇತಿಯನ್ನೂ ನೀಡ್ತಿದ್ದಾರೆ.