Kantharaju

కాంతరాజు, ఒక విజయవంతమైన సీనియర్ సమీకృత రైతు. తీగ ఆలుగడ్డ సాగులో నిపుణులు. బెంగళూరులోని కంబలిపుర గ్రామానికి చెందిన కాంతరాజుకు 20 ఏళ్ల వ్యవసాయ అనుభవం ఉంది. తీగ ఆలుగడ్డ సాగులో ఆరేళ్ల అనుభవం వీరి సొంతం. కాంతరాజుది వ్యవసాయ కుటుంబం. తాత, నాన్నల కాలం నుంచి వీరి కుటుంబం వ్యవసాయంపైనే ఆధారపడింది. విద్యాభ్యాసం తర్వాత వ్యవసాయానికి వచ్చాక మొదటగా తన పొలంలో ఏక పంట సాగు చేశారు కాంతరాజు. కానీ అందులో నష్టం వచ్చి, అప్పు చేయాల్సిన పరిస్థితి ఏర్పడింది. అప్పుడే సమగ్ర పంటలను పండించడం ప్రారంభించారు. ప్రస్తుతం వీరి పొలంలో మామిడి, నిమ్మకాయ, సపోటా, కాబూలీ చెనా, పొట్లకాయ, దోసకాయ సహా 20కి పైగా పంటలు ఉన్నాయి. 6 సంవత్సరాల క్రితం కాంతరాజు, వారికి తెలిసిన వ్యక్తి ఇచ్చిన ఆలుగడ్డను నాటగా ఒక్కో తీగ నుంచి 20 కిలోల దిగుబడి వచ్చింది. ఇక ఈ రకమైన ఆలుగడ్డ సాగు ద్వారా, ప్రస్తుతం ఏడాదికి ఎకరాకు ఏడు లక్షలు సంపాదిస్తున్నారు.