Sonapuram Balakrishna

సోనాపురం బాలకృష్ణ డిగ్రీ చదివి ఉద్యోగం కోసం హైదరాబాద్ వచ్చారు. అ సమయంలోనే ఒక పేపర్ ప్లేట్ వ్యాపారిని కలుసుకొని, ఆయన దగ్గరే పేపర్ ప్లేట్ వ్యర్థాలను అమ్ముతూ తన జీవితాన్ని ఆరంభించారు బాలకృష్ణ. తన యజమాని ఒకసారి స్వగ్రామానికి వెళ్లి వచ్చే వరకు తన వ్యాపారాన్ని చూసుకోమని బాలకృష్ణకి వదిలేసి వెళ్లిపోయారు. అప్పటికే పేపర్ ప్లేట్ తయారీలో పిన్ టు పిన్ సమాచారం తెలుసుకున్న బాలకృష్ణ సొంతంగా వ్యాపారాన్ని ప్రారంభించాలని నిర్ణయించుకున్నారు. మరిన్ని మెళకువలు నేర్చుకోవాలనే ఉద్దేశ్యంతో గుజరాత్, ఢిల్లీ, పశ్చిమ బెంగాల్ వంటి ప్రధాన నగరాల్లో పేపర్ ప్లేట్ తయారీ వ్యాపారంపై పరిశోధన చేసి 2011లో “గ్రోవెల్ మెషీన్స్” పేరుతో పేపర్ ప్లేట్ తయారీ వ్యాపారాన్ని ప్రారంభించారు. వినూత్న ఆలోచనలు మరియు అంకితభావంతో వ్యాపారాన్ని వేగంగా అభివృద్ధి చేశారు. ప్రస్తుతం విజయవాడ, విశాఖపట్నం, హైదరాబాద్‌లలో తన పేపర్ ప్లేట్ తయారీ శాఖలను విస్తరించి సంవత్సరానికి 20 లక్షలకి పైగా సంపాదిస్తున్నారు బాలకృష్ణ. అంతేకాదు, 2014లో చిన్న తరహా పరిశ్రమలో “బెస్ట్ బిజినెస్ మ్యాన్” అవార్డును కూడా అందుకున్నారు.