ಮೊಲ ಸಾಕಾಣಿಕೆ ಕೋರ್ಸ್ - ವರ್ಷಕ್ಕೆ 10 ಲಕ್ಷ ಗಳಿಸಿ

ಸಿ ಎನ್ ಸುದೀಂದ್ರ, ಉಪಕೃಷಿಯಲ್ಲೂ ಕೂಡ ಲಕ್ಷಗಟ್ಟಲೆ ಆದಾಯ ಗಳಿಸುತ್ತಿರೋ ಯಶಸ್ವಿ ರೈತ. ಇಂದು ಮೊಲ ಸಾಕಾಣಿಕೆಯಿಂದಲೇ ವರ್ಷಕ್ಕೆ 10 ಲಕ್ಷಕ್ಕೂ ಅಧಿಕ ಆದಾಯ ಗಳಿಸ್ತಾ ಇದ್ದಾರೆ. ಇವರನ್ನ ಮೊಲಸಾಕಣಿಕೆಯಲ್ಲಿ ನಡೆದಾಡುವ ಯೂನಿವರ್ಸಿಟಿ ಅಂದ್ರೆ ತಪ್ಪಾಗಲಿಕ್ಕಿಲ್ಲ. ಆರಂಭದಲ್ಲಿ ಬೆಂಗಳೂರಿಗೆ ಉದ್ಯೋಗಕ್ಕೆಂದು ತೆರಳಿ ನಂತರ ಮತ್ತೆ ತನ್ನ ಹುಟ್ಟೂರಿಗೆ ಆಗಮಿಸಿ, ಅಲ್ಲೇ ಮೊಲ ಸಾಕಾಣಿಕೆಯನ್ನು ಆರಂಭಿಸಿದರು. ಕೇವಲ 25 ಸಾವಿರ ರೂಪಾಯಿ ಬಂಡವಾಳದೊಂದಿಗೆ ಮೊಲ ಸಾಕಾಣಿಕೆ ಆರಂಭಿಸಿದ ಇವರು, ಇಂದು ಮೊಲ ಸಾಕಾಣಿಕೆ ಕೇಂದ್ರವನ್ನ ಸ್ಥಾಪಿಸಿಕೊಂಡು, ಮೊಲದ ಮರಿ ಮಾರಾಟ, ಮೊಲದ ಗೂಡು ತಯಾರಿಕೆ, ಪ್ರಯೋಗಾಲಯಕ್ಕೆ ಮರಿಗಳನ್ನು ನೀಡುವುದು, ಮಾಂಸಕ್ಕಾಗಿ ಮೊಲಗಳ ಮಾರಾಟವನ್ನೂ ಕೂಡ ಮಾಡುತ್ತಿದ್ದಾರೆ. ಅಷ್ಟೇ ಅಲ್ಲ ಬೇರೆ ಬೇರೆ ರಾಜ್ಯಗಳಿಗೆ ಮೊಲಗಳನ್ನ ಮಾರಾಟ ಮಾಡುವುದರ ಜೊತೆಗೆ ಅವರಿಗೆ ಮಾರ್ಕೆಟಿಂಗ್ ಸೌಲಭ್ಯ ಅಂದ್ರೆ, ಬೆಳೆದ ಮರಿಗಳನ್ನ ತಾವೇ ಖರೀದಿಸುತ್ತಾರೆ . ಈಗಾಗಲೇ ಸಾಕಷ್ಟು ಯುವಕರು ಇವರ ಫಾರ್ಮ್ಗೆ ಬಂದು ಮೊಲಸಾಕಾಣಿಕೆಯ ತರಬೇತಿಯನ್ನೂ ಕೂಡ ಪಡೆಯುತ್ತಿದ್ದಾರೆ. ಪಶುಸಂಗೋಪನೆಯ ಬಗ್ಗೆ ಉತ್ತಮ ಜ್ಞಾನವನ್ನ ಸುದೀಂದ್ರ ರೆಡ್ಡಿ ಹೊಂದಿದ್ದಾರೆ.