S B Haleshappa

ಎಸ್ ಬಿ ಹಾಲೇಶಪ್ಪ, ಯಶಸ್ವಿ ಪಾಟ್ ಹ್ಯಾಂಡಿಕ್ರಾಫ್ಟ್ ಉದ್ಯಮಿ. ಹುಟ್ಟಿದ್ದು ಶಿವಮೊಗ್ಗ ಜಿಲ್ಲೆಯ ಹಾರ್ನಳ್ಳಿಯಲ್ಲಿ. ಕರಕುಶಲ ಕಲೆಗಾರರ ಕುಟುಂಬದಲ್ಲೇ ಹುಟ್ಟಿದ ಇವರು ಅದೇ ಉದ್ಯಮವನ್ನೇ ಮುಂದುವರೆಸಿದ್ರು. ಹೇಳಿ ಕೇಳಿ ಅದು ಹಾರ್ನಳ್ಳಿ, ಅಲ್ಲಿನ ಮಣ್ಣು ಮಡಿಕೆ ಮಾಡಲು ಪ್ರಸಿದ್ಧವಾಗಿರುವುದರಿಂದ ಅಲ್ಲಿ ದೊಡ್ಡ ಪ್ರಮಾಣದಲ್ಲಿ ಕುಂಬಾರಿಕೆ ನಡೆಯುತ್ತೆ. ಹಾಲೇಶ್‌ ಕುಟುಂಬ ಕೂಡ ಮಣ್ಣಿನ ಮಡಿಕೆ ತಯಾರಿಸುವ ಉದ್ಯಮವೇ ಮಾಡ್ತಾ ಇತ್ತು. ಹೀಗಾಗಿ ಹೆತ್ತವರಂತೆ ಇದೇ ಕಲೆಯನ್ನ ಮುಂದುವರೆಸಿದ ಹಾಲೇಶ್, ಆಧುನಿಕತೆಗೆ ಅನುಗುಣವಾಗಿ ಬರೀ ಮಣ್ಣಿನ ಮಡಿಕೆಗೆ ಮಾತ್ರವೇ ಸೀಮಿತವಾಗದೆ ದೀಪ, ಮ್ಯಾಜಿಕ್ ಕ್ಲಾಂಪ್ ಹೀಗೆ ವಿವಿಧ ಆಕರ್ಷಕ ಉತ್ಪನ್ನ ತಯಾರಿಕೆಗೆ ಮುಂದಾದರು.. ಪರಿಣಾಮ ಇವರ ಉತ್ಪನ್ನದ ಹೆಸರು ಒಂದೂರಿಂದ ಮತ್ತೊಂದೂರಿಗೆ ಹಬ್ಬಿ ಕರ್ನಾಟಕದ ಬೇರೆ ಬೇರೆ ಜಿಲ್ಲೆಗಳಿಗೂ ಪಸರಿಸಿತು. ಅಷ್ಟೇ ಅಲ್ಲ, ಕರ್ನಾಟಕ ಮಾತ್ರವೇ ಅಲ್ಲದೆ ಬೇರೆ ರಾಜ್ಯದವರೆಗೆ ಹಬ್ಬಿತು. ಕೊನೆಗೆ ವಿದೇಶದಿಂದಲ್ಲೂ ಬೇಡಿಕೆ ಬಂತು.ಈಗ ಇವರು ತಯಾರಿಸಿದ ಉತ್ಪನ್ನ ವಿದೇಶಕ್ಕೂ ರಫ್ತಾಗುತ್ತಿದೆ. ಹೀಗೆ ಕರಕುಶಲ ಸಾಧನೆಯಿಂದಾಗಿ ಅನೇಕ ಪ್ರಶಸ್ತಿಗಳ ಜತೆ ರಾಜ್ಯಪ್ರಶಸ್ತಿ ಕೂಡ ಇವರನ್ನ ಅರಸಿಕೊಂಡು ಬಂದಿದೆ. ಮಣ್ಣಿನ ಮಡಿಕೆಯಿಂದ ಆರಂಭ ಮಾಡಿದ ಇವ್ರ ಉದ್ಯಮ ಇಂದು ನೂರಾರು ಬಗೆಯ ಮಣ್ಣಿನ ಹ್ಯಾಂಡಿಕ್ರಾಫ್ಟ್‌ ವಸ್ತುವನ್ನ ತಯಾರಿಸುವ ಮಟ್ಟಿಗೆ ಬೆಳೆದುನಿಂತಿದೆ.