Sandesh R

ಸಂದೇಶ್. ಆರ್, ಲಾಂಡ್ರಿ ಉದ್ಯಮಿ ಮತ್ತು ಮೊಬೈಲ್‌ ಸರ್ವೀಸ್‌ ಬಿಸಿನೆಸ್‌ ಎಕ್ಸ್‌ಪರ್ಟ್‌. ಹುಟ್ಟಿದ್ದು ಚಾಮರಾಜನಗರ ಜಿಲ್ಲೆಯ ಕೊಳ್ಳೆಗಾಲದಲ್ಲಿ. ಮೈಸೂರಿಗೆ ವಿದ್ಯಾಭ್ಯಾಸಕ್ಕೆ ಬಂದ ಸಂದೇಶ್, ತದನಂತರ ಆಟೋಮೊಬೈಲ್ ಉದ್ಯಮ ಆರಂಭ ಮಾಡಿದ್ದರು. ಅದರಲ್ಲಿ ಅಷ್ಟು‌ ಲಾಭ ಸಿಗದ ಕಾರಣ ಬೇರೆ ಬಿಸಿನೆಸ್‌ ಮಾಡುವ ಆಲೋಚನೆ ಮಾಡಿ 90 ಲಕ್ಷ ಬಂಡವಾಳ ಹೂಡಿಕೆ ಮಾಡಿ ದೊಡ್ಡ ಮಟ್ಟದಲ್ಲೇ ಲಾಂಡ್ರಿ ಬಿಸಿನೆಸ್‌ ಪ್ರಾರಂಭ ಮಾಡಿದ್ರು. ಕೈಹಿಡಿದ ಲಾಂಡ್ರಿ ಉದ್ಯಮ ಬಲ್ಕ್‌ ಆರ್ಡರ್‌ಗಳನ್ನ ನೀಡಿ ವರ್ಷಕ್ಕೆ 24 ಲಕ್ಷ ಸಂಪಾದನೆ ಮಾಡುವಂತೆ ಮಾಡಿದೆ. ಇದೀಗ 52 ಜನಕ್ಕೆ ಕೆಲಸ ನೀಡಿದ್ದಾರೆ. ದೊಡ್ಡ ದೊಡ್ಡ ಹೊಟೇಲ್​ನವರು ಹಾಗೂ ಕೆಎಸ್​​ಆರ್​ಟಿಸಿಯಂತಹ ಸಂಸ್ಥೆಗಳು ಇವರಿಗೆ ಟೆಂಡರ್​ ನೀಡಿವೆ. ಈ ಬಿಸಿನೆಸ್‌ ಸಕ್ಸಸ್‌ ಆದ ನಂತರ ಮತ್ತೊಂದು ಬಿಸಿನೆಸ್‌ ಕೂಡ ಆರಂಭಿಸಿದರು. ಸಾಮ್‌ಸಂಗ್‌ ಮೊಬೈಲ್‌ ಸರ್ವೀಸ್‌ ಸೆಂಟರ್‌ ಆರಂಭಿಸಿ 4 ಔಟ್‌ಲೆಟ್‌ಗಳನ್ನ ತೆರೆದಿದ್ದಾರೆ.